
پەیامنێری کەناڵ8 بەدواداجوونی کردووە، تیمێکی تەکنیکی و باڵای وەزارەتی سامانە سروشتییەکان بە چەندین بەڵگەنامە و پێشنیازی نوێوە چوونەتە ناو تەلاری پەرلەمانی عێراق. ئەم کۆبوونەوەیە کە کاتژمێر 11:00 دەستیپێکردووە، وەک دوایین هەوڵ دەبینرێت بۆ گەیشتن بە ڕێککەوتنێکی کۆتایی لەگەڵ بەغداد تاوەکو نرخی یەک لیتر بەنزین لە هەرێمی کوردستان بە شێوەیەکی بەرچاو دابەزێت.
لیژنەی پەرلەمانیی تایبەت بە دۆسیەی سووتەمەنی، دوای کۆبوونەوەیان لەگەڵ وەزیری نەوت و بەڕێوەبەری گشتیی سۆمۆ، ئێستا گوێ لە پێشنیازەکانی تیمی هەرێم دەگرن. هەرێم کەمال ئاغا، سەرۆکی فراکسیۆنی یەکێتی ئاماژەی بەوە کردووە کە وەزیری نەوت ئامادەیی نیشانداوە کێشەی بەنزین لە هەرێم چارەسەر بکات. هاوکات سیپان شێروانی لە فراکسیۆنی پارتی دەڵێت، دوای تەواوبوونی ئەم میواندارییە، پێشنیازەکان بە فەرمی ڕەوانەی حکومەت دەکرێن بۆ ئەوەی بڕیاری یەکلاکەرەوە لە بەرژەوەندی هاونیشتمانییان بدات و نرخەکان دابەزێنرێن.
تیمى وەزارەتى سامانە سروشتییەکان بۆ کۆبوونەوە لەگەڵ لیژنەکە گەیشتە پەرلەمان
وەزارەتى سامانە سرووشتییەکان بڕیارێکى دیکەى لەبارەى نرخى بەنزین دەرکرد
تیمى وەزارەتى سامانە سروشتییەکان بۆ کۆبوونەوە لەگەڵ لیژنەکە گەیشتە پەرلەمان
