پووختەی هەواڵەکە:

• سوپاى پاسدارانى ئێران درۆنێکى ئەمریکى خستەخوارەوە.

• پزیشکیان: ئامادەین دوایین ڕێککەوتن جێبەجێبکەین.

• درۆنەکە لە  جۆرى (ئێم کیو-9)ـى ئەمریکى لە ڕۆژهەڵاتى گەرووى هوورمز خراوەتەخوارەوە.

• ژمارەى کوژراوانى هێرشەکەى دوێنێى ئەمریکا بۆ سەر دوورگەى لارک بۆ سێ کەس بەرزبووەتەوە

---

سوپاى پاسدارانى ئێران، خستنەخوارەوەى درۆنێکى ئەمریکى لە گەرووى هوورمز ڕاگەیاند، مەسعود پزیشکیانیش دەڵێت، وڵاتەکەى ئامادەیە دوایین ڕێککەوتن جێبەجێبکات، ئەگەر لایەنى بەرامبەر پابەندى بەڵێنەکانى بێت.

---

ئاژانسى تەسنیم، بڵاویکردەوە، بەرگریی ئاسمانى سوپاى پاسداران درۆنێکى جۆرى (ئێم کیو-9)ـى ئەمریکى لە ڕۆژهەڵاتى گەرووى هوورمز خستەخوارەوە.

ئاماژەى بەوەشکرد، ژمارەى کوژراوانى هێرشەکەى دوێنێى ئەمریکا بۆ سەر دوورگەى لارک بۆ سێ کەس بەرزبووەتەوە.

 لێدوانی نوێی سەرۆککۆماری ئێران لە بارەی ڕێککەوتن لەگەڵ ئەمریکا

• پزیشکیان :کۆمارى ئیسلامیى ئێران ئامادەیە دوایین ڕێککەوتن جێبەجێبکات، ئەگەر لایەنى بەرامبەر پابەندى بەڵێنەکانى بێت.

• بەدیهێنانى ئاسایش و ئارامى بەردەوام لە ناوچەکەدا، تەنیا لە ڕێگەى هاوکارى و هەماهەنگى نێوان وڵاتانى ناوچەکە دەبێت، بەبێ دەستوەردانى دەرەکى.

• پزیشکیان :گەلى ئێران بەردەوامدەبێت لە خۆڕاگرى بۆ بەرەنگاربوونەوەى فشارە دەرەکی و سیاسەتیی سەپێنراو.

لەلایەکى ترەوە، مەسعود پزیشکیان سەرۆککۆمارى ئێران لە پەراوێزى بەشداریکردنى لە لوتکەى شەنگهاى بۆ هاوکارى لە قیرغیزستان لەگەڵ شەهباز شەریف، سەرۆکوەزیرانى پاکستان و ئیلهام عەلیێف هاوتا ئازربایجانییەکەى کۆبووەوە.

دەربڕینی ئامادەیی ئێران بۆ ڕێککەوتن

دووپاتیکردەوە، کۆمارى ئیسلامیى ئێران ئامادەیە دوایین ڕێککەوتن جێبەجێبکات، ئەگەر لایەنى بەرامبەر پابەندى بەڵێنەکانى بێت.

ڕاشیگەیاند، بەدیهێنانى ئاسایش و ئارامى بەردەوام لە ناوچەکەدا، تەنیا لە ڕێگەى هاوکارى و هەماهەنگى نێوان وڵاتانى ناوچەکە دەبێت، بەبێ دەستوەردانى دەرەکى.

بەڵێنی بەردەوامبوونی ئێران لە خۆڕاگری

سەرۆککۆمارى ئێران ئاماژەى دا بە هەوڵدانى نەیارانى کۆمارى ئیسلامیى ئێران بۆ سەپاندنى فشار و سزاى ئابوورى بەسەریدا و دووپاتیکردەوە، گەلى ئێران بەردەوامدەبێت لە خۆڕاگرى بۆ بەرەنگاربوونەوەى فشارە دەرەکی و سیاسەتیی سەپێنراو، بە پشت بەستن بە تواناى ناوخۆیی و پشتیوانیی هاوکارى هەرێمى و ڕێگەنادەن ئیرادەى گەلى ئێران ملکەچى فشارى زلهێزەکان بێت.

زانیاری زیاتر بۆ تۆ

پزیشکیان: بۆ شەڕ ناگەڕێین بەڵام بە توندی وەڵام دەدەینەوە

پزیشکیان: بەرهەمهێنانی ئاو، کارەبا و گاز هێڵی سوورن و ناوەستن

ترەمپ: دوورگەى خارگ خاپوور و پارچە پارچەى دەکەین

جەنگی ئێران هێزی دەریایی ئەمریکای بەرەو ئیفلیجی بردووە