سەرۆککۆماری عێراق لەگەڵ کاربەڕێکەرى باڵیۆزخانەى ئەمریکا کۆبوونەوە
پووختەی هەواڵەکە:
- تاوتوێکردنی پێشهاتەکانی ناوچەکە و ژمارەیەک پرسی بەرژەوەندی هاوبەشیان تاوتوێ کرد.
- جەختکردنەوە بۆ پەرەپێدانی هاوکارییەکانی نێوان هەردوو وڵات لە بوارەکانی سیاسی، ئابووری و گەشەپێدان.
- بەردەوامبوونی ئەمریکا لە هاریکاری عێراق و پەرەپێدانی پەیوەندییە دووقۆڵییەکان.
سەرۆککۆماری عێراق لەگەڵ کاربەڕێکەرى نوێی باڵیۆزخانەى ئەمریکا لە بەغداد کۆبووەوە، پێشهاتەکانی ناوچەکە و ژمارەیەک پرسی بەرژەوەندی هاوبەشیان تاوتوێ کرد.
ڕاگەیێنراوی نووسینگەی سەرۆککۆمار
نووسینگەی نزار ئامێدی، سەرۆککۆماری عێراق بڵاویکردەوە، سەرۆککۆمار لەگەڵ ستیڤن ڤاگن، کاربەڕێکەرى باڵیۆزخانەى ئەمریکا لە بەغداد کۆبوونەوە و جەختی لە گرنگی بەردەوامبوون لە کارکردن بۆ پەرەپێدانی هاوکارییەکانی نێوان هەردوو وڵات لە بوارەکانی سیاسی، ئابووری و گەشەپێدان بە شێوەیەک کە بەشداربێت لە پاڵپشتیکردنی ئاسایش و سەقامگیریی عێراق کردەوە.
جەختکردنەوە لە بەردەوامی هاوریکاری عێراق
هاوکات، ستیڤن ڤاگن ڕایگەیاندووە، بەردەوام دەبن لە هاریکاری عێراق و پەرەپێدانی پەیوەندییە دووقۆڵییەکان، بە شێوەیەک خزمەت بە هەردوو وڵات بکات، ستایشی گرنگی هاوبەشی نێوان هەردوو وڵاتى لە بوارە جیاجیاکاندا کرد.
زانیاری زیاتر بۆ تۆ
سەرۆکی ئەنجوومەنی باڵای دادوەری و کاربەڕێکەری باڵیۆزخانەی ئەمریکا لە عێراق کۆبوونەوە
عەلى زەیدى و ستیڤن ڤاگن کاربەڕێکەرى نێردەى ئەمریکا کۆبوونەوە
