عەلى زەیدى و ستیڤن ڤاگن کاربەڕێکەرى نێردەى ئەمریکا کۆبوونەوە
پووختەی هەواڵەکە:
- عەلى زەیدى و ستیڤن ڤاگن تاوتوێى پەیوەندییەکانى عێراق و ئەمریکایان کرد.
- تاوتوێى بەهێزکردنى پەیوەندییە دوو قۆڵییەکان و فراوانکردنى هاوبەشییەکانى هەردوو وڵاتیان کرد.
سەرۆکوەزیرانى عێراق و کاربەڕێکەرى نێردەى ئەمریکا لە بەغداد کۆبوونەوە و تاوتوێى بەهێزکردنى پەیوەندییە دوو قۆڵییەکان و فراوانکردنى هاوبەشییەکانى هەردوو وڵاتیان لە بوارە جیاوازەکاندا کرد.
ڕاگەیێنراوی نووسینگەی سەرۆکوەزیرانی عێراق
- تاوتوێکردنى دواپێشهاتەکانى ناوچەکە و جەختکردنەوە لە گرنگى گرتنەبەرى دیالۆگ و هۆکارە دیپلۆماسییەکان بۆ کەمکردنەوەى گرژییەکان.
- جەختکردنەوە لە گرتنەبەری زمانی گفتوگۆ لە پێناو بەهێزکردنى ئاسایش و سەفامگیریی ناوچەکە و پاراستنى بەرژەوەندیی گەلانى ناوچەکە.
- زەیدى و ڤاگن، گفتوگۆیان کرد لەبارەى بەهیزکردنى پەیوەندییە دووقۆڵییەکانى عێراق و ئەمریکا و فراوانکردنى ئاسۆى هاوکارى هاوبەش لە کەرت و بوارە جیاوازەکان.
نووسینگەى ڕاگەیاندنى سەرۆکوەزیرانى عێراق بڵاویکردەوە، عەلى زەیدى و ستیڤن ڤاگن، تاوتوێى دواپێشهاتەکانى ناوچەکەیان کردووە و جەختیانکردووەتەوە لە گرنگى گرتنەبەرى دیالۆگ و هۆکارە دیپلۆماسییەکان بۆ کەمکردنەوەى گرژییەکان، لە پێناو بەهێزکردنى ئاسایش و سەفامگیریی ناوچەکە و پاراستنى بەرژەوەندیی گەلانى ناوچەکە.
بەهیزکردنی پەیوەندییە دووقۆڵیەکانی واشنتن و بەغداد
هەروەها زەیدى و ڤاگن، گفتوگۆیان کرد لەبارەى بەهێزکردنى پەیوەندییە دووقۆڵییەکانى عێراق و ئەمریکا و فراوانکردنى ئاسۆى هاوکارى هاوبەش لە کەرت و بوارە جیاوازەکان، تاوەکو ڕۆڵى هەبێت لە بەهێزکردنى بنەماى هاوبەشى نێوان هەردوو وڵات.
ئەوەش لەکاتێکدایە، ماوەى هەفتەیەکە ستڤن ڤاگن، لە شوێنى جۆشوا هاریس، بووەتە کاربەڕێکەرى نێردەى ئەمریکا لە عێراق.
زانیاری زیاتر بۆ تۆ
ستیڤن ڤاگن دەبێت بە کاربەڕێکەری باڵیۆزخانەی ئەمریکا لە عێراق
وەزیرى دەرەوەى عێراق و کاربەڕێکەرى نوێى باڵیۆزخانەى ئەمریکا کۆبوونەوە
نێچيرڤان بارزانى و ستیڤن ڤاگن په‌يوه‌ندييه‌كانى هه‌ولێر و به‌غداد و پرسى مووچەیان تاوتوێکرد
