ستیڤن ڤاگن دەبێت بە کاربەڕێکەری باڵیۆزخانەی ئەمریکا لە عێراق
پووختەی هەواڵەکە:
- ستیڤن ڤاگن وەک کاربەڕێکەری نوێی باڵیۆزخانەی ئەمریکا لە جێگەی جۆشوا هاریش دەستبەکار دەبێت.
- ستیڤن ڤاگن خاوەنی ئەزموونێکی بەرفراوانە لە ناوچەکەدا.
باڵیۆزخانەی ئەمریکا لە عێراق، پێشوازی لە ستیڤن ڤاگن کرد بەبۆنەی دەستبەکاربوونی وەک کاربەڕێکەری نوێی باڵیۆزخانەکە، کە شوێنی جۆشوا هاریس دەگرێتەوە.
ڕاگەیێنراوی باڵیۆزخانەی ئەمریکا لە بەغداد
- شتیڤن ڤاگن پێشتر وەک کاربەڕێکەری باڵیۆزخانەی ئەمریکا لە یەمەن کاری کردووە.
- لە ڕابردوودا پۆستی جێگری سەرۆکی نێردەی ئەمریکا لە بەغداد و کونسوڵی گشتیی ئەمریکا لە هەولێری بەڕێوەبردووە.
- ئەزموونی دەوڵەمەندی ڤاگن ڕۆڵی دەبێت لە بەهێزکردنی پەیوەندییەکانی نێوان ئەمریکا و عێراق.
بەگوێرەى ڕاگەیێنراوى باڵیۆزخانەکە، دەستبەکاربوونی ڤاگن دوای کۆتاییهاتنی ئەرکی جۆشوا هاریس دێت لە عێراق، کە باڵیۆزخانەکە سوپاسی خۆی بۆ کار و چالاکییەکانی ناوبراو لە ماوەی ڕابردوودا دەربڕیوە.
ئەزموونی دەوڵەمەندی ستیڤن ڤاگن لە ناوچەکە
ستیڤن ڤاگن خاوەنی ئەزموونێکی بەرفراوانە لە ناوچەکەدا؛ پێشتر وەک کاربەڕێکەری باڵیۆزخانەی ئەمریکا لە یەمەن کاری کردووە، هەروەها لە ڕابردوودا پۆستی جێگری سەرۆکی نێردەی ئەمریکا لە بەغداد و کونسوڵی گشتیی ئەمریکا لە هەولێری بەڕێوەبردووە.
باڵیۆزخانەکە ئاماژەی بەوەکردووە، ئەزموونی دەوڵەمەندی ڤاگن ڕۆڵی دەبێت لە بەهێزکردنی پەیوەندییەکانی نێوان ئەمریکا و عێراق و هەنگاونان بەرەو بەدیهێنانی بەرژەوەندییە هاوبەشەکانی هەردوو وڵات.
لە 2024 واشنتن باڵیۆزی فەرمی نییە لە عێراق
ئەم گۆڕانکارییە لە کاتێکدایە کە لە دوای کۆتاییهاتنی ئەرکی ئێلینا ڕۆمانوسکی، باڵیۆزی پێشووی ئەمریکا لە عێراق لە مانگی کانوونی یەکەمی 2024دا، واشنتن هیچ باڵیۆزێکی فەرمی نوێی بۆ بەغداد دەستنیشان نەکردووە، بەڵکو بۆ بەڕێوەبردنی کاروباری دیپلۆماسیی خۆی، پشتی بە باڵیۆزە کاتییەکان و کاربەڕێکەرە خاوەن ئەزموونەکانی ناوچەکە بەستووە.
زانیاری زیاتر بۆ تۆ
عەلى زەیدى و جۆشوا هاریس کاربەڕێکەرى باڵیۆزخانەى ئەمریکا کۆبوونەوە
