پووختەی هەواڵەکە:

• قوباد تاڵەبانى: گفتوگۆیەکى بەرهەمدارمان کرد

• قوباد تاڵەبانى: هاوڕابووین لەسەر پێویستى پێکهێنانى کابینەى نوێى حکومەت

• قوباد تاڵەبانى: هاوڕابووین لەسەر پاراستنی هەرێم لە هەر چەشنە هەڕەشە و مەترسییەک

---

قوباد تاڵەبانى، جێگرى سەرۆکى حکومەتى کاربەڕێکەرى هەرێمى کوردستان لەگەڵ ستیڤن ڤاگن، کاربەڕێکەرى باڵیۆزخانەى ئەمریکا لە عێراق کۆبووەوە.

---

لێدوانی قوباد تاڵەبانی لەبارەی دیدارەکەی لەگەڵ ستیڤن ڤاگن

• دەربڕی خۆشحاڵی بە گەڕانەوەی کاربەڕێکەری باڵیۆزخانەی ئەمریکا لە عێراق بە ئەرکێکی نوێ لە بەغداد.

• ئەمڕۆ پێکەوە گفتوگۆیەکی بەرهەمدارمان کرد لەبارەی دۆخی هەرێمی کوردستان و عێراق.

• هاوڕابوون لەسەر پێویستیی چارەسەرکردنی خێرای ناکۆکییەکان و پێکهێنانی کابینەی نوێی حکومەتی هەرێمی کوردستان

• پاراستنی هەرێمی کوردستان لە هەر چەشنە هەڕەشە و مەترسییەک کە بەهۆی ئاڵۆزییەکانی ناوچەکەوە ڕووبەڕوومان ببێتەوە.

قوباد تاڵەبانى، لەبارەى کۆبوونەوەکە ڕایگەیاندووە، "خۆشحاڵم بەوەی باڵیۆز ستیڤن ڤاگن جارێکیتر و بە ئەرکێکی نوێ گەڕاوەتەوە بۆ عێراق و هەرێمی کوردستان".

ئاماژەى بەوەش کرد، ئەمڕۆ پێکەوە گفتوگۆیەکی بەرهەمدارمان کرد لەبارەی دۆخی هەرێمی کوردستان و عێراق.

 هاوڕابوون لەسەر چارەسەرکردنی خێرای کێشەکان

قوباد تاڵەبانى دەشڵێت، "هاوڕابووین لەسەر پێویستیی چارەسەرکردنی خێرای ناکۆکییەکان و پێکهێنانی کابینەی نوێی حکومەتی هەرێمی کوردستان و پاراستنی هەرێمی کوردستان لە هەر چەشنە هەڕەشە و مەترسییەک کە بەهۆی ئاڵۆزییەکانی ناوچەکەوە ڕووبەڕوومان ببێتەوە".

باسی لەوەشکردووە، جەختیان کردەوە لەسەر پشتگیریکردنی هەنگاوەکانی سەرۆکوەزیرانی عێراق لە چەسپاندنی سەروەریی یاسا و دوورخستنەوەی عێراق لە بارگرژییەکانی ناوچەکە.

دەستبەکاربوونی ستڤن ڤاگن لە عێراق

ڕۆژى 3ـى ئەم مانگە ستیڤن ڤاگن، وەک کاربەڕێکەرى باڵیۆزخانەى ئەمریکا لە عێراق دەستنیشان کرا و لەو ڕۆژەوە لەگەڵ سەرکردەکانى عێراق بە جیا کۆبووەوە و ڕۆژى 14ـى ئەیلوولى 2026 بەسەردانێک گەیشتە هەرێمى کوردستان و لەگەڵ هەریەک لە مەسعود بارزانى، سەرۆکى پارتى دیموکراتى کوردستان و مەسرور بارزانى، سەرۆکى حکومەتى کاربەڕێکەرى هەرێمى کوردستان و نێچیرڤان بارزانى، سەرۆکى هەرێمى کوردستان کۆبووەوە.

زانیاری زیاتر بۆ تۆ

قوباد تاڵەبانى داوایکرد چین هۆکارى گیان لەدەستدانى خوێندکارە هەڵەبجەییەکە ڕوونبکاتەوە

سەرۆککۆماری عێراق لەگەڵ کاربەڕێکەرى باڵیۆزخانەى ئەمریکا کۆبوونەوە

کاربەڕێکەرى باڵیۆزخانەی ئەمریکا: پشتیوانیی عێراق و هەرێمی کوردستان دەکەین