پووختەی هەواڵەکە:

• گفتوگۆکردن لەبارەی نێوان هەرێمی کوردستان، عیراق و کۆماری ئیسلامیی ئێران.

• دوایین پێشهاتە سیاسی و ئەمنییەکانی ناوچەکە تاوتوێ کران.

---

لە درێژەی کۆبوونەوە و چاوپێکەوتنەکانی ، لە سەردانەکەی بۆ کۆماری ئیسلامی ئێران، بافڵ جەلال تاڵەبانی، سەرۆکی یەکێتیی نیشتمانیی کوردستان و مەسعود پزیشکیان، سەرۆککۆماری ئیسلامیی ئێران لە تاران کۆبوونەوە.

---

ناوەرۆکی کۆبوونەوەی سەرۆکی یەکێتی و سەرۆککۆماری ئێران

• بافڵ جەلال تاڵەبانی جەختیکردەوە لە بەهێزکردنی بنەماکانی دۆستایەتیی نێوان هەردوولا لەسەر بنەمای بەرژەوەندیی هاوبەش و دراوسێیەتیی باش.

• پاراستنی سەقامگیریی ناوچەکە لە بەرژەوەندیی هەموواندایە و هەموو هەوڵێک دەدەین بۆ هێورکردنەوەی دۆخەکە.

• سەرۆکی یەکێتی جەختیکردەوە نائارامی زیان بە ئاسایش و ژیانی هاوڵاتییان دەگەیەنێت.

• مەسعود پزیشکیان سوپاسی رۆڵی ئەرێنی و کارای بافڵ جەلال تاڵەبانی کرد لە هێورکردنەوەی ئاڵۆزییەکاندا.

• پزیشکیان گوتی لەگەڵ ئێوەدا هاوسنوورین و لامان گرنگە پەیوەندییەکانمان لەسەر بنەمای دراوسێیەتیی باش و رێزگرتنی هاوبەش پەرەی پێبدرێت.

لە کۆبوونەوەکەدا کە شاندی باڵای یەکێتی ئامادەبوون، گفتوگۆ لەبارەی پەیوەندییە مێژوویی و کولتوورییەکانی نێوان هەرێمی کوردستان، عیراق و کۆماری ئیسلامیی ئێران کرا و دوایین پێشهاتە سیاسی و ئەمنییەکانی ناوچەکە تاوتوێ کران.

جەختکردنەوە لە بەهێزکردنی دۆستایەتی لەسەر بنەمای بەرژەوەندی هاوبەش

بافڵ جەلال تاڵەبانی جەختی لە بەهێزکردنی بنەماکانی دۆستایەتیی نێوان هەردوولا لەسەر بنەمای بەرژەوەندیی هاوبەش و دراوسێیەتیی باش کردەوە و رایگەیاند، پاراستنی سەقامگیریی ناوچەکە لە بەرژەوەندیی هەموواندایە و هەموو هەوڵێک دەدەین بۆ هێورکردنەوەی دۆخەکە، چونکە نائارامی زیان بە ئاسایش و ژیانی هاوڵاتییان دەگەیەنێت.

ستایشی ڕۆڵی ئەرێنی و کارای بافڵ جەلال تاڵەبانی

لای خۆیەوە، مەسعود پزیشکیان سوپاسی رۆڵی ئەرێنی و کارای بافڵ جەلال تاڵەبانی کرد لە هێورکردنەوەی ئاڵۆزییەکاندا و وتی، لەگەڵ ئێوەدا هاوسنوورین و لامان گرنگە پەیوەندییەکانمان لەسەر بنەمای دراوسێیەتیی باش و رێزگرتنی هاوبەش پەرەی پێبدرێت.

زانیاری زیاتر بۆ تۆ

بافڵ جەلال تاڵەبانی لەگەڵ عەلی ئەکبەر ویلایەتی کۆبووەوە

بافڵ جەلال تاڵەبانی لەگەڵ محەممەد باقر قالیباف کۆبووەوە

وێنەی کۆبوونەوەی بافڵ جەلال تاڵەبانی لەگەڵ عەباس عێراقچی

وێنەی کۆبوونەوەی بافڵ جەلال تاڵەبانی لەگەڵ محەممەد باقر قالیباف

شرۆڤەکارێک: بافڵ جەلال تاڵەبانی هاوسەنگیی نێوان واشنتن و تارانی ڕاگرتووە