سەرۆککۆماری ئێران: وڵاتانی جیهان خواستی هاوکاری و هەماهەنگییان لەگەڵ ئێران هەیە
پووختەی هەواڵەکە:
- پزیشکیان: دەبێت ڕێگری لە بەفیڕۆدانی سەرچاوەکانی وزە بکەین
- سەرۆککۆماری ئێران داوا دەکات بە ورییاوە سوود لەو دەرفاتە وەربگیرێت.
سەرۆککۆماری ئێران ڕایگەیاند، زۆرێک لە وڵاتانی جیهان خواستی هاوکاری و هەماهەنگییان لەگەڵ ئێران هەیە و دەشڵێت، دەبێت سوود لە توانا کۆمەڵایەتییەکان وەربگیرێت بۆ پووچەڵکردنەوەی پیلانەکانی ئەمریکا و ئیسرائیل.
لێدوانەکانی پزیشکیان لە میانی کۆبوونەوەی لەگەڵ بەرپرسانی حکومەت
- پزیشکیان دەڵێت زۆرێک لە وڵاتانی بەشدار لە لوتکەی برێکس خواستی خۆیان بۆ هاوکاری لەگەڵ ئێران دووپاتکردووەتەوە.
- گەمارۆ دەریاییەکانی ئەمریکا ئێران ناچار بە خۆبەدەستەوەدانیان ناکات.
- مەرجیان بۆ کردنەوەی گەرووی هوورمز هەڵگرتنی گەمارۆ دەریاییەکان و ڕاگرتنی هێرشەکانی ئەمریکایە.
مەسعود پزیشکیان، سەرۆککۆماری ئێران، ئەمڕۆ چوارشەممە لە کۆبوونەوەی لەگەڵ بەرپرسانی حکومیی وڵاتەکەی ڕایگەیاند، "سەرەڕای هەڕەشە و هێرشەکانی ئەمریکا و ئیسرائیل، زۆرێک لە وڵاتی جیهان خواستی هاوکاری و هەماهەنگییان لە ئێران هەیە و داوا دەکات، بە وریاییەوە سوود لەو دەرفەتانە وەربگیرێت.
خواستی وڵاتان بۆ هاوکاریکردنی ئێران
پزیشکیان نەشی شاردەوە، زۆرێک لە وڵاتانی بەشدار لە لوتکەی برێکس خواستی خۆیان بۆ هاوکاری لەگەڵ ئێران دووپاتکردووەتەوە".
تاوتوێکردنی وزەی کارەبا و گازی ئێران
سەرۆککۆماری ئێران بەشێکی کۆبوونەوەکەی تەرخانکردبوو، بۆ کێشەکانی پەیوەست بە وزە و کارەبا و گاز لە ناوخۆی ئێران و تێیدا داوای لە خەڵکی وڵاتەکەی کرد، خۆیان لە بەفیڕۆدانی سەرچاوەکانی وزە بەدوور بگرن.
لە دووایین لێدوانیدا 12ـی ئەم مانگە سەرۆککۆماری ئێران ڕایگەیاندبوو، "گەمارۆ دەریاییەکانی ئەمریکا ناچار بە خۆبەدەستەوەدانیان ناکات و گوتیشی، مەرجیان بۆ کردنەوەی گەرووی هوورمز هەڵگرتنی گەمارۆ دەریاییەکان و ڕاگرتنی هێرشەکانی ئەمریکایە".
زانیاری زیاتر بۆ تۆ
بافڵ جەلال تاڵەبانی و مەسعود پزیشکیان سەرۆککۆماری ئیسلامیی ئێران لە تاران کۆبوونەوە
پزیشکیان: ئێران بە چوار مەرج گەرووی هورمز دەکاتەوە
مەسعود پزیشکیان: لە هیچ کام لەو 14 بەندەی لەگەڵ ئەمریکا ڕێککەوتووین پاشەکشەمان نەکردووە
1 کاتژمێر پێش ئێستا