ڕاوێژکاری ڕێبەری ئێران: گەشتی ئاسمانی لە ناوچەکە یان بۆ هەموان دەبێت با هیچ لایەک نابێت
پووختەی هەواڵەکە
- محەممەد موخبیر، ڕاوێژکاری ڕێبەر ئێران جەخت دەکاتەوە یان گەشتی ئاسمانی بۆ هەمووان دەبێت یان بۆ هیچ لایەک فەراهەم نابێت.
- ئێران ئاماژە بەوە دەکات بێبەشکردنی لە گەشتی ئاسمانی زیان بە تەواوی وڵاتانی ناوچەکە دەگەیەنێت.
- ڕاوێژکاری ڕێبەری ئێران ڕایدەگەیەنێت سیاسەتە دوژمنکارییەکانی ئەمریکا لە یادەوەریی گەلی ئێراندا دەمێنێتەوە.
محەممەد موخبیر، ڕاوێژکاری ڕێبەری ئێران هۆشداریداوە لەوەی ڕێگریکردن لە گەشتە ئاسمانییەکانی وڵاتەکەی بەرامبەرە بە قەدەغەکردنی گەشتە ئاسمانییەکانی وڵاتانی ناوچەکە و بێبەشکردنیان لە خزمەتگوزارییەکان.
هەڕەشەکانی ئێران بۆ سەر گەشتە ئاسمانییەکان
- ستراتیجی ئێران ڕوون و دیارە لەبارەی فەراهەمبوونی گەشتی ئاسمانی لە ناوچەکەدا.
- یان ئەوەتا گەشتی ئاسمانی لە ناوچەکە بۆ هەمووان دەبێت، یاخود نابێت بۆ هیچ لایەک فەراهەم بێت.
- ئەگەر ئێران لە مافی گەشتکردن و دەستگەیشتن بە فڕۆکەخانەکان بێبەش بکرێت، هیچ وڵاتێک ئەو مافە نابینێت.
هۆکاری لێدوانەکەی ڕاوێژکاری ڕێبەری ئێران
لێدوانەکەی ڕاوێژکاری ڕێبەری ئێران لە پلاتفۆرمی ئێکس هاوکاتە لەگەڵ ڕاگرتنی گەشتە ئاسمانییەکانی ئێران لە چەند فڕۆکەخانەیەکی ناوچەکە بەهۆی سزادانی کەرتی فڕۆکەوانیی وڵاتەکە لەلایەن ئەمریکاوە، هاوکات جەختیشی لەوە کردووەتەوە کە سیاسەتە دوژمنکارییەکانی ئەمریکا لە یادەوەریی گەلی ئێراندا دەمێنێتەوە.
زانیاریی زیاتر لەسەر بابەتەکە
بڕیاری قەدەغەکردن و هەڕەشەکانی ئێران لە کاتێکدا دێن کە کەرتی فڕۆکەوانیی ئەو وڵاتە بەرەوڕووی سزای توندی ئەمریکا بووەتەوە، ئەمەش بووەتە هۆی ڕاگرتنی گەشتەکانی ئێران لە چەندین فڕۆکەخانەی گرنگی ناوچەکەدا و دروستبوونی گرژیی زیاتر لە پەیوەندییە ئاسمانییەکانی ڕۆژهەڵاتی ناوەڕاستدا.
زانیاریی زیاتر بۆ تۆ
فڕۆکەوانیی عێراق سەرجەم گەشتە ئاسمانییەکانی عێراق وهەرێمی کوردستانی لەگەڵ ئێران ڕاگرت
فڕۆکەخانەکانی هەرێمی کوردستانیش دەگرێتەوە؛ گەشتەکانی نێوان عێراق و ئێران دەوەستێنرێن
زانیاریی کەناڵ8: فڕۆکەخانەکانی عێراق لە ڕاگرتنی گەشتی هێلەکانی ئێران ئاگادارکراونەتەوە
وەزیری گەنجینەی ئەمریکا: لە 23ـی ئەیلوولەوە هێڵە ئاسمانییەکانی تاران لە سەرانسەری جیهاندا دادەخرێن
