گوتەبێژى حەج و عومرەى هەرێمى کوردستان: هەفتەى داهاتوو دەست بە مامەڵەى حەج دەکرێت
پووختەی هەواڵەکە:
- کاروان ستوونى: هەر کەسێک ناوى لە تیروپشک دەرچووە بڕى شەش ملیۆن دینارى لێوەردەگیرێت.
- کاروان ستوونی :ئەوانەی ناویان دەرچووە پێویستە کارتی نیشتمانی و پاسپۆرتیان پێ بێت.
گوتەبێژى بەڕێوەبەرایەتى گشتیی حەج و عومرەى هەرێمى کوردستان ڕایگەیاند، هەفتەى داهاتوو دەست بە وەرگرتنى مامەڵەى ئەو حاجییانە دەکرێت کە بۆ وەرزى حەجى داهاتوو لە تیروپشک ناوەکانیان دەرچووە.
هەفتەی داهاتوو دەستب بە وەرگرتنی مامەڵەی حاجیان دەکرێت
- هەفتەى داهاتوو لە نوسینگەى حەج و عومرەى پارێزگاکان دەست بە وەرگرتنى مامەڵەى حاجییان بۆ وەرزى حەجى داهاتوو دەکرێت.
- پێویستە لەگەڵ مامەڵەکەدا ئەوانەى ناویان دەرچووە بڕى شەش ملیۆن دینار ڕادەستبکەن تاوەکو بەفەرمى تێچووى حەج دیاریی دەکرێت.
- ئەگەر کەسێک لە خێزانێک ناوى بۆ حەج گەڕابێتەوە و بەهەر هۆکارێک نەتوانێت فەریزەکە بەجێ بهێنێت دەتوانێت ئەو مافەى خۆى بداتە کەسێکى دیکە لە خانەوادەکەى.
ئەوانەی ناویان دەرچووە دەبێت پاسپۆرت و کارتی نیشتمانی ببەن بۆ مامەڵەکانیان
کاروان ستوونى بە کەناڵ8ى ڕاگەیاند، هەفتەى داهاتوو لە نوسینگەى حەج و عومرەى پارێزگاکان دەست بە وەرگرتنى مامەڵەى حاجییان بۆ وەرزى حەجى داهاتوو دەکرێت و ئەوانەى ناویان لە تیروپشک دەرچووە پێویستە کارتى نیشتمانى و پاسپۆرتیان پێبێت.
گوتیشى، پێویستە لەگەڵ مامەڵەکەدا ئەوانەى ناویان دەرچووە بڕى شەش ملیۆن دینار ڕادەستبکەن تاوەکو بەفەرمى تێچووى حەج دیاریی دەکرێت، کە ساڵى ڕابردوو حەوت ملیۆن و 100هەزار دیناربووە بۆ هەر کەسێک.
کاروان ستوونى ئاماژە بۆ ئەوەش دەکات، ئەگەر کەسێک لە خێزانێک ناوى بۆ حەج گەڕابێتەوە و بەهەر هۆکارێک نەتوانێت فەریزەکە بەجێ بهێنێت دەتوانێت ئەو مافەى خۆى بداتە کەسێکى دیکە لە خانەوادەکەى.
ئەمڕۆ لە تیروپشکێکدا ناوى حاجییان بۆ هەردوو ساڵى 2027 و ساڵى 2028 ڕاگەیێنراو دەست بە وەرگرتنى مامەڵەى ئەو کەسانە دەکرێت کە بۆ وەرزى حەجى ساڵى داهاتوو ناوەکانیان دەرچووە.
زانیاری زیاتر بۆ تۆ:
حەج و عومرە: ناوى ئەو کەسانە ڕەتناکرێتەوە پاسپۆرتەکانیان بەسەرچووە
حەج و عومرە: ناوی جێگرەوەکانی 2026 وەک دەرچووی حەجی 2027 ئەژمار دەکرێن
.jpg)
