لیژنەکە کارەکانی تەواوبوو; کەناڵ8 زانیاری نوێ لەسەر ڕووداوەکەی پردێ بڵاودەکاتەوە
پووختەی هەواڵەکە
- زانیارییەکانی کەناڵ8: لەسەر کوژرانی دوو گەنجی کورد لەکاتی ڕووبەڕووبوونەوەکەی پردێ ئەندامانی دژە تیرۆر سزا دەدرێت.
- ئەفسەرێکی پلەباڵای فەوجی کەرکووکی دەزگای دژەتیرۆری عێراق و پێنج سەربازی ئەو هێزە سزادەدرێن.
بەگوێرەی زانیاری و بەدواداچوونەکانی کەناڵ8، لە دەرئەنجامی لێکۆڵینەوەکانی ئەو لیژنەیەی لەسەر ڕووداوەکەی پردێ پێکهێنرا، ئەفسەرێکی پلەی باڵای فەوجی کەرکووکی دەزگای دژەتیرۆری عێراق و پێنج سەربازی ئەو هێزە بەهۆی کەمتەرخەمییان لە چالاکی سەربازی شارەدێی پردێ و ڕووبەڕووبوونەوەی چەکدارانی داعش پێنج ساڵ سزا دەدرێن.
ئەنجامی لیژنەی لێکۆڵینەوە
- لە چەند ڕۆژی ڕابردوودا بۆ لێکۆڵینەوە لە ڕووداوەکەی پردێ لیژنەیەکی لێکۆڵینەوە پێکهێنرا.
- چاوەڕوان دەکرێت هەر ئەمڕۆ ئەنجامی کۆتایی لێکۆڵینەوەکانی لیژنەی نووسینگەی سەرۆکوەزیرانی عێراق ڕابگەیێنرێت.
ئەوەش لە دوای ئەوە دێت ، ڕۆژى 27ـى ئەم مانگە، هێزەکانی دژەتیرۆری عێراق، لە شارەدێێ پردێ لە کاتی ڕووبەڕووبوونەوەی چەند چەکدارێکی داعش، دەستڕێژی گولـلەیان لە مارکێتێکی شارۆچکەکە کرد و بەوهۆیەوە دوو گەنج گیانیان لەدەستدا.
شەهیدکردنی ئەو دوو گەنجە ناڕەزایەتیی دانیشتووانی کەرکووک و پردێی لێکەوتەوە و خۆپیشاندایان کرد و ماوەیەک ڕێگەی سەرەکیی نێوان هەولێر و کەرکووکیان داخست و داوای سزادانی کەسانی تۆمەتباریان کرد.
زانیاری زیاتر بۆ تۆ
ڕێبوار تەها: لیژنەیەک بۆ لێکۆڵینەوە لە ڕووداوەکەی پردێ پێکهێنرا
یەکێتی داوا لە زەیدی دەکات لێکۆڵینەوەی جددی لە ڕووداوەکەی پردێ بکرێت
1 کاتژمێر پێش ئێستا