1- کیڤن دی برۆین بیر لە گەڕانەوە بۆ پرێمەرلیگ دەکاتەوە.

2- یانەی ئێڤەرتۆن گفتوگۆی بۆ گواستنەوەی یاریزانەکە دەستپێکردووە.

3- بەهۆی کێشەی لەگەڵ ئەلێگری ڕاهێنەر، داهاتووی لە ناپۆلی نادیارە.

4- گرێبەستەکەی تا ساڵی 2027ـە و ڕۆیشتنی پێویستی بە ڕەزامەندی ناپۆلییە.

پێگەی کاڵچیۆ مێرکاتۆ بڵاویکردەوە؛ کیڤن دی برۆینی تەمەن 35 ساڵ دوای پەیوەندیکردنی بە ناپۆلی لە 2025 و بەسەربردنی دوو وەرزی نائومێدکەر، ئێستا بیر لە گەڕانەوە بۆ پرێمەرلیگ دەکاتەوە.

ئێڤەرتۆن پەیوەندی بە بریکارەکانی یاریزانە بەلجیکییەکەوە کردووە بۆ گواستنەوەی لە مێرکاتۆی زستانەدا، تاوەکو سوود لە ئەزموونە درێژەکەی وەربگرن لە خولەکەدا، هەرچەندە گرێبەستەکەی تاوەکو حوزەیرانی 2027 بەردەوامە.

سەرەڕای پێکانەکانی وەرزی ڕابردوو، دی برۆین ئەم وەرزە بەشداری 15 یاری ناپۆلی کردووە، 4 گۆڵ و 2 ئەسیستی هەیە. بەڵام گرژی پەیوەندییەکانی لەگەڵ ماسیمیلیانۆ ئەلێگری ڕاهێنەر و هاوڕێکانی، هۆکارە بۆ بیرکردنەوە لە ڕۆیشتن. ئەنجامدانی ئەو گرێبەستەش لە ناوەڕاستی وەرزدا پێویستی بە ڕەزامەندی ناپۆلی هەیە و بڕی تێچووەکەشی نادیارە.