پووختەى هەواڵەکە

• یەکەم کۆبوونەوەى حکومەتى کاربەڕێکەرە لەپاش کشانەوەى تیمى یەکێتى.

• کۆبوونەوەکە لەسەر سەردانەکەى مەسروور بارزانى بۆ بەغدادە.

• تەوەرێکى دیکەى کۆبوونەوەکە هێرشەکەى سەر کێڵگەى کۆرمۆرە.

  ---

بە گوێرەى زانیارییەکانى پەیامنێرى کەناڵ8، ڕۆژى چوارشەممە 11ـى تشرینى دووەم، حکومەتى کاربەڕێکەرى پارتى کۆدەبێتەوە و لە کۆبوونەوەکە مەسروور بارزانى باس لە ئاکامى سەردانەکەى بۆ بەغداد و گفتوگۆکانى لەگەڵ حکومەتى عێراق و لایەنە سیاسییەکان پەیوەست بە بودجەى ساڵى 2027 دەکات.

بە گوێرەى زانیارییەکان

• لە کۆبوونەوەکە باس لە هێرشەکانى سەر کێڵگەى کۆرمۆر.

• کاریگەرى لەسەر کەمبوونەوەى کارەبا و غازى ماڵان دەکرێت.

ئەمە یەکەم کۆبوونەوەى حکومەتى کاربەڕێکەرى پارتییە پاش کشانەوەى تیمى یەکێتى و لە 8ـى ئەم مانگەوە تیمى یەکێتى لە حکومەت کشانەوە و بافڵ جەلال تاڵەبانى سەرۆکى یەکێتیی نیشتمانیی کوردستان ڕایگەیاند، لەم حکومەتە فاشیلە دەکشێنەوە و دان بەوەش نانێن کە لە کۆبوونەوەى پەرلەمان ڕوویداوە.