پووختەی هەواڵەکە

• پەرلەمانی تورکیا بەمەبەستی پەسەندکردنی ڕێککەوتنی مەککە کۆبووەوە .

• بە دەنگی زۆرینەی پەرلەمانتاران، ڕێککەوتنەکە پەسەندکرا.

ڕۆژانی چوارشەممە و پێنجشەممە، لە ئەنجوومەنی گشتیی پەرلەمانی تورکیا، گفتوگۆ لەبارەی خاڵەکانی ڕێککەوتنی بەرگریی مەککە کرا و پاش گفتوگۆیەکی دوورودرێژی پەرلەمانتاران و سەرەڕای ڕەخنەی فراکسیۆنەکانی ئۆپۆزسیۆن، وەک چاوەڕوان دەکرا، بە دەنگی ئاکپارتی، مەهەپە و جەهەپە، ڕێککەوتنەکە پەسەند کرا.

کاریگەرییەکانی ڕێککەوتنەکە

• بە پەسەندکردنی لە پەرلەمان، حکومەتی تورکیا دەتوانێت خاڵەکانی ڕێککەوتنەکە جێبەجێبکات و هێز ڕەوانەی دەرەوە بکات.

• وەک یەکەم هەنگاو، 27ـی مانگی ڕابردوو، ڕێککەوتنەکە لە لیژنەی دەرەوەی پەرلەمانی تورکیا پەسەندکرا.

• ڕێککەوتنی مەککە لە 16 خاڵ پێکهاتووە و حەوتی ئابی ئەمساڵ لەنێوان تورکیا، سعودیە و پاکستان واژۆکرا.

• سکرتارییەتی ڕێککەوتنەکە لە ڕیازی پایتەختی سعودیەیە.

• بەگوێرەی ڕێککەوتنەکە، هەرکام لەو سێ وڵاتە بکەونە بەر هێرشی دەرەکی، وەک ئەوەیە دوو وڵاتەکەی دیکەش هێرشیانکرابێتە سەر و پێویستە بەرگریی هاوبەش بکەن.

• بە پەسەندکردنی ڕێککەوتنەکە، تورکیا دەتوانێت بۆ بەرگریکردن لە سعودیە، هێز ڕەوانەی ئەو وڵاتە بکات.

زانیاریی زیاتر بۆ تۆ

سووریا تاوتوێی چوونە ناو هاوپەیمانیی بەرگریی مەککە دەکات