پووختەى هەواڵەکە:

• شەوى ڕابردوو، ئەنجوومەنى وەزیرانى عێراق کۆبوونەوەى ئاسایى هەفتانەى خۆى کرد.

• بڕیاریدا هاوردەکردنى بەروبوومى کشتوکاڵی دەستپێبکاتەوە و باجى گومرگیشى لەسەر سیستمەکانى وزەى خۆر لابرد.

• زەیدى چەندین داواکارى لە وەزیر و جێگرەکانى هەبووە.

لە سەرەتاى کۆبوونەوەکەدا عەلى زەیدى، سەرۆکوەزیرانى عێراق داواى لە جێگر و وەزیرەکانى کرد بەبۆنەى تەواوکردنى کابینە وەزارییەکەى سوێندى "شەرەف" لەبەردەم گەلى عێراق بخۆن.

زەیدى بۆ جێگر و وەزیرەکانى:

• پابەندبن بە دەستوور و یاساوە ڕەچاوى بەرژەوەندیى هاوڵاتییان بکەن.

• پارێزگاریى لە مافەکانیان بکەن و سامانى گشتیى بپارێزن.

• پۆستەکانتان بۆ بەرژەوەندیى تاکە کەسى بەکارمەهێنن.

• دەستبەردارى دڵسۆزى بن بۆ حیزب، "قەومییەت و تائیفە" و هۆز.

• پابەندبن بە پرەنسیپەکانى کارى پیشەیى حکومى.

بڕیارەکانى کۆبوونەوەکە:

• وەزارەتى کشتوکاڵ بۆ دەستپێکردنەوەى هاوردەکردنى سەرجەمى بەرووبوومە کشتوکاڵییەکان تاوەکو ڕۆژى 31ـى کانوونى یەکەمى 2026 سەرپشک کرا.

• باجى گومرگ لەسەر سیستمەکانى وزەى خۆرى هاوردەکراو بۆ عێراق لابرا.

• پرۆژەیاساى ڕێککەوتنى گواستنەوەى دەریایى لە نێوان عێراق و قەتەر و دەنێردرێت بۆ ئەنجوومەنى نوێنەران.

لە دانیشتنی ئەنجوومەنی نوێنەران لە ڕۆژی 15ـی تشرینی یەکەمی 2026، وەزارەتە بەتاڵەکانى کابینەکەى عەلى زەیدى پڕکرانەوە و دەنگیش لەسەر جێگرەکانى درا.

زانیاریى زیاتر بۆ تۆ:

سەرۆککۆمار مەرسومی دەستبەکاربوونی بۆ سێ جێگرەکەی زەیدی و 11 وەزیری نوێ دەرکرد