پووختەى هەواڵەکە

• ماوەى چەند ڕۆژێکە شەپۆلەکە پارێزگاکانى باکوورى کوردستانى گرتووەتەوە.

• لە هەندێک ناوچە پلەی گەرما بۆ خوار سفرى سیلیزی دابەزیوە.

  ---

لە ڕۆژی چوارشەممەوە شەپۆلی بەفربارین ڕووی لە پارێزگای قەرس کردووە و بەهۆیەوە، پلەکانی گەرما بۆ خوار سفری سیلیزی دابەزیوە و شەپۆلی بەفربارینەکە، پارێزگاکانی جۆلەمێرگ، وان، ئەردەخان، ئەرزنجان و ئەرزڕوومیشی گرتووەتەوە.

بەفر لە ناوچە شاخاوییەکانى باکوورى کوردستان

• لە بەرزاییەکانی وان بەهۆی زۆری بارینى بەفرەوە، بەشێک لە ڕێگەکان بۆ ماوە چەند کاتژمێرێک داخران.

• بە گوێرەی پێشبینییەکانی کەشناسیی تورکیا، تاوەکو ڕۆژی دووشەممە بەفربارین لە پارێزگاکانی جۆلەمێرگ، قەرس. ئاگری و ئەرزڕووم بەردەوام دەبێت.

سەرەڕای ئەو سەختییانەی بەفربارینەکە دروستیان دەکات، بەڵام دیمەنێکی ناوازەی بە ناوچەکە بەخشیوە و بە درێژایی زستان، دەیان هەزار گەشتیار ڕوو لە ناوچە بەفرگرتووەکانی باکووری کوردستان دەکەن.