پووختەى ڕاپۆرت

• 29یەمین فێستیڤاڵی نێودەوڵەتی گەلاوێژ دەستی بە کارەکانی کرد.

• فێستیڤاڵەکەی ئەمساڵ بە دروشمی گەلاوێژ سەکۆی کولتوورە جیاوازەکان بەڕێوەدەچێت.

  ---

لە شارێکدا کە مێژووی ئەدەب و ڕۆشنبیریی لەگەڵ ناسنامەکەی تێکەڵ بووە جارێکی دیکە فێستیڤاڵی گەلاوێژ دەبێتەوە بە دیدارگەی ئەدیبان و ڕۆشنبیران و هونەرمەندان.

لە تەلاری هونەری شاری سلێمانی

• 29یەمین فێستیڤاڵی نێودەوڵەتی گەلاوێژ دەستی بە کارەکانی کرد.

• بە ئامانجی پەرەپێدانی کولتوور.

• بەهێزکردنی پەیوەندییە ڕۆشنبیرییەکان.

• دروستکردنی پردێک بۆ گفتوگۆی نێوان کولتوورە جیاوازەکان.

• دروشمی گەلاوێژ سەکۆی کولتوورە جیاوازەکان بەڕێوەدەچێت.

• ئەم خولەشی بە ناوی ئەدیب و شاعیری کورد، سامی هادی، ناونراوە وەک ڕێزگرتن لە مێژوو و بەرهەمە ئەدەبییەکانی.

بەشداریی نووسەران و هونەرمەندان لە ناوخۆی کوردستان و عێراق و چەندین وڵاتی دیکەش، ئەوە دەردەخات کە گەلاوێژ تەنیا بۆنەیەکی ساڵانە نییە، بەڵکو بوارێکە بۆ ئاڵوگۆڕی ئەزموون و بیرۆکە و ناساندنی توانای ڕۆشنبیریی کوردی بە جیهان کە لە یەکەم رۆژدا چەندین بەرهەمی هونەری پێشکەشکران و بونە مایەی سەرنجی میوانان.

فێستیڤاڵەکە سێ رۆژ بەردەوام دەبێت کە لەم خولەیدا بەرنامەیەکی جۆراوجۆری ئەدەبی و هونەری لەخۆدەگرێت وەک دانیشتن و پانێڵی ڕۆشنبیری، پێشانگای کتێب، پێشانگای شێوەکاری و وێنەگرتن، شیعر و ئەدەب، مۆسیقا و شانۆ کە خەڵاتی یەکەمەکان دەکرێن لە کۆتا رۆژی فیستیڤالەکە.

لە بەشی پێشبڕکێی ئەدەبیشدا 25 بەرهەم پەسەند کراون، کە بریتین لە حەوت لێکۆڵینەوە، حەوت چیرۆک و یازدە شیعر، بۆ ئەوەی بەرهەمە باشەکان بناسرێن و خەڵات بکرێن.