نێچیرڤان بارزانى: پێشوازی لە کاراکردنەوەی پەرلەمانی کوردستان دەکەم
پووختەى هەواڵ
پەرلەمان دامەزراوەی باڵای نوێنەرایەتيی ئیرادەی ته‌واوى خەڵکی کوردستانە.
پێویستە هەموو هێزە سیاسیيەکان بەشداريی کارای تیادا بکەن.
نێچیرڤان بارزانى، سەرۆکى هەرێمى کوردستان، لە بارەى کاراکردنەوەى پەرلەمانى کوردستان ڕاگەیێنراوێکى بڵاوکردەوە و تیایدا ئاماژەى بەوەکردووە، پێویستە هەموو هێزە سیاسیيەکان بەشداريی کارا لە پەرلەمانی کوردستاندا بکەن و بە گیانی بەرپرسیاریەتیی نیشتمانییەوە؛ ناکۆکی و جیاوازیيەکان لەوێ چارەسەر بکەن.
ناوەڕۆکى پەیامەکەى سەرۆکى هەرێمى کوردستان
هیوادارم ئه‌م هه‌نگاوه يارمه‌تيده‌ر و هانده‌ر بێت لە تێپەڕاندنی دۆخی بنبەستی سیاسی.
ڕەخساندنی زه‌مينه‌يه‌كى باشتر بۆ لێکگەیشتن و هاریکاریی زیاتری نێوان هه‌موو لایەنە سياسييه‌کان.
گفتوگۆ، سازان و هاوبه‌شيى نێوان ته‌واوى هێزە سیاسییەکان، بنەمای تێپەڕاندنی ناکۆکییەکان و ڕووبەڕووبوونەوەی ئاڵنگارییەکانن.
سەقامگیریی سیاسی و پاراستنی دامەزراوەکانی هەرێمی کوردستانیش، بەرپرسیاریەتییەکی هاوبەشە و دەکەوێتە ئەستۆی هەموان.
