ERDHEJEKE BI HÊZ ENDONEZYAYÊ HEJAND Û HIŞYARIYA TSUNAMIYÊ HAT DAYÎN
Puxteya Nûçeyê
- Erdhejeke bihêza 7.7 pileyî li gorî pîvera rîxterê, beravên rojhilatê Endonezyayê hejand.
- Li gorî amarên destpêkê, heya niha pênc kes li herêmê bûne qurbanî.
- Ajansa Hewanasiyê ji bo niştecihên girava Floresê hişyariya tsunamiyê ragihand û navçeyên beravî hatin valakirin.
- Gelek paşlerzeyên bi hêz ku ya herî mezin 6.1 pile bûye, navçeyên cuda yên wî welatî hejandine.
Erdhejeke bi hêz derz xist dîwarên nexweşxaneya bajarokê Maumere yê li girava Floresê û bû sedem ku nexweş û niştecih bi komî ber bi cihên bilind ve birevin. Ev erdheja ku rû da, li bazar û cihên giştî, rewşeke aloz û tirsê çêkir û bi hezarên kes neçar kirin ku herî kêm du kîlometreyan ber bi nav bejayî û deverêb hişk ve biçin.
Daxuyaniyên Sereke û Mijarên Balkêş
Ziyanên Canî û Madî: Berton Suar Pelita Panjaitan, Berdevkê Ajansa Rûbirûbûna Karesatan a Endonezyayê, ragihand ku pênc kesan ji ber erdhejê bûne qurbanî. Tîmên hewariyê zanyarî kom kirin û diyar kirin ku qebareya temam a ziyanên madî û canî gihaye gelek avahiyan û paşlerze berdewam in.
Hişyarî û Rênimayên Valakirinê: Ebdelmuharî, berpirsekî Ajansa Niştimanî ya Rûbirûbûna Karesatan, rênimayî da niştecihên bakurê Floresê û giravên derdorê ku tavilê navçeyên beravî vala bikin û biçin ser wan girên ku bilindahiya wan ji 10 metreyan zêdetir e.
Rakirina Hişyariya Tsunamiyê û Guhertina Ava Deryayê: Her çend piştre hişyariya tsunamiyê hatibe hilgirtin jî, lê asta ava deryayê guhertin bi ser de hatiye û pêlên di navbera 19 heta 30 santîmetreyî de hatine tomarkirin.
Ji Bo Agahdariya We
Endonezya dikeve ser "Xeleka Agirî" (Ring of Fire) ya Zeryaya Hêmin û ev yek jî wisa kiriye ku ew welat bi berdewamî rûbirûyî çalakiyên jeolojîk bibe. Dîroka vî welatî bi karesatên mezin ên wekî tsunamiya sala 2004an tijî ye ku tenê li wî welatî 170 hezar kesî canê xwe ji dest dabû. Her wiha di sala 2018an de jî erdhejeke din li Lombokê bûbû sedema mirina 550 kesan. Ev pêşhatên dîrokî, hestyariya herêmê li hemberî erdhejan û girIngiya hişyariyên bilez ên tsunamiyê nîşan didin.
Bêtir bixwînin: Ev nûçe ji we re hatine bijartin
Ji bo nûçeyên nû, bi berdewamî KANAL8ê bişopînin:
https://channel8.com/kurmanci/news/34542
1 DEMJIMÊR BERÊ