پووختەى هەواڵ

• هەنگاو و کارەکان لە چوارچێوەى پڕۆسەى ئاشتیدا بەردەوامن.

• بڕیارە بەمزووانە لیژنەیەک لە پارێزەران و سیاسەتمەداران پێکبهێنرێت .

• پاش پێکهێنانی لیژنەکە ڕۆژنامەوانان دەچنە ئیمراڵی و چاویان بە ئۆجەلان دەکەوێت.

تەیب تەمەل، یاریدەدەری هاوسەرۆکی گشتیی پارتی یەکسانی و دیموکراسیی گەلان (پارتی دەم)، ڕایگەیاند، بەمنزیکانە لیژنەیەک بە هەماهەنگیی عەبدوڵڵا ئۆجەلان و بەشداریی چالاکوانان، پارێزەران، سیاسەتمەداران و ڕۆشنبیران دەست بە کار دەکات.

تەیب تەمەل، یاریدەدەری هاوسەرۆکی پارتی دەم:

• لە ئایندەیەکی نزیکدا لیژنەیەک پێکدەهێنرێت و عەبدوڵڵا ئۆجەلان دەبێتە هەماهەنگیکاری.

• پاش ڕاگەیاندنی لیژنەکە، ڕۆژنامەوانانیش دەچنە ئیمراڵی.

• دانوستانەکان گەیشتوونەتە ئەم قۆناغە و ئیدی دەبێت بخرێنە بواری جێبەجێکردنەوە.

• پڕۆسەی چارەسەریی سەرەڕای ئاستەنگی زۆر، گەیشتووەتە قۆناغێکی دیاریکراو.

• ئەو هەنگاوانەی لەمەودوا دەنرێن، بۆ هەمووان سەختن.

بەرپرسەکەى پارتى دەم، گوتیشى "هەلومەرج و بارودۆخەکە وا دەخوازێت، لەماوەیەکی نزیکدا ئەم لیژنەیە دەست بە کارەکانی بکات، بەگوێرەی دانوستانەکان ئەم پرسە دواناخرێت".

زانیاریى زیاتر بۆ تۆ:

هەوڵەکان بۆ پێکهێنانی لیژنەی چاودێریی پڕۆسەی ئاشتی دەستیپێکرد