سەرەتای مانگی داهاتوو بەشە خۆراکی حەوتەم دابەشدەکرێت
پووختەى هەواڵەکە
ماددەکانى خۆراک بۆ دابەشکردنى بەسەر بریکارەکان لە کۆگاکان ئامادەیە.
بازرگانی عێراق 80%ـی بەشە خۆراکی شەشەم دابەشکراوە.
وەزارەتی بازرگانیی عێراق ئاشكرایدەکات، سەرەتای مانگی داهاتوو دەست بە دابەشکردنی بەشەخۆراکی حەوتەم دەکرێت و بەڕێوەبەری گشتی بازرگانی هەرێمی كوردستانیش روونكردنەوە دەدات.
بەشەخۆراکى مانگانە
بازرگانیی عێراق: 80%ـی بەشەخۆراکی شەشەم لە تەواوی پارێزگاکان دابەش کراوە.
دوای تەواوبوونیشی دەست بە دابەشکردنی حەوتەم بەشەخۆراک دەکرێت.
لە سەرەتای مانگی تشرینى دووەمدا دەست بە دابەشکردنی سەبەتەی حەوتەم دەكرێت.
لەمیا هاشم موسەوی، بەرێوەبەری گشتیی بازرگانیی خۆراك ڕایگەیاندووە "بەردەوامی ئامادەكردنی ماددەكانی بەشەخۆراكی مانگانە بۆ بەهێزكردنی ئاسایشی خۆراك و هاوكاری كردنی خێزانە كەمدەرامەتەكانە".
هاوکات، نەوزاد شێخ کامل، بەڕێوەبەری گشتیی بازرگانیی هەرێمی كوردستان بە کەناڵ8ـی ڕاگەیاندووە "لە پارێزگاكان و ئیدارە سەربەخۆكانی هەرێمی كوردستان بەردەوامین لە دابەشكردنی بەشەخۆراكی شەشەمی ئەمساڵ و هەركاتێك فەرمانمان بۆ هات ئەوە بەشەخۆراكی حەوتەمیش دابەش دەكرێت".
