بە گوێرەى ڕاپرسییەک لە چوار هاوڵاتی تورکیا کەسێکیان ناڕازین لە دۆخى ئابووریی وڵاتەکەیان
پووختەى هەواڵەکە
زۆربەی خەڵکی تورکیا دەڵێن ئابووریی وڵاتەکەیان بە خراپی بەڕێوەدەبرێت.
سێ لەسەر یەکی دەنگدەرانی ئاکپارتی لە بەڕێوەبردنی ئابووری ناڕازین.
ڕاپرسییەک لەلایەن ناوەندی لێکۆڵینەوە و ڕاوێژکاریی ئەنقەرە لە بەشێک لە پارێزگاکانی باکووری کوردستان و تورکیا کراوە و تیایدا پرسیار لە بارەی سیاسەتی ئابووریی حکومەت کراوە.
ئەنجامى ڕاپرسییەکە
%75.7ـی ئەوانەی بەشدارییان لە ڕاپرسییەکەدا کردووە، گوتویانە ئابووریی تورکیا بە خراپی بەڕێوەدەبرێت.
%21.8ـیان شێوازی بەڕێوەبردنی ئابووریی وڵاتەکەیان بە باش ناودەبەن.
%2.5ـیشیان بۆچوونی خۆیان دەرنەبڕیوە.
%32.3ـی دەنگدەرانی ئاکپارتی، لە بەڕێوەبردنی ئابووریی وڵاتەکەیان ناڕازین و بە خراپ ناویدەبەن.
%62.3ـی دەنگدەرانی مەهەپەی هاوپەیمانی ئاکپارتی، سیاسەتی ئابووریی وڵاتەکەیان بە خراپ ناودەبەن.
ڕاپرسییەکە دەریدەخات، زۆربەی دەنگدەرانی پارتە ئۆپۆزسیۆنەکان بەڕێوەبردنی ئابووریی تورکیا بە خراپ ناو دەبەن و زۆرترین ناڕەزایەتیش لەنێو دەنگدەرانی پارتی کرێکاری تورکیادایە، کە 100%ـی دەنگدەرانی ئەو پارتە لە بەڕێوەبردنی ئابووریی تورکیا ناڕازین.
