بوومەلەرزەزانیی عێراق: لە مانگی تەمموزدا 57 بوومەلەرزە تۆمارکراون
کەناڵ8 1 کاتژمێر پێش ئێستا
پوختەى هەواڵەکە
- دەستەی گشتیی کەشناسی و بوومەلەرزەزانیی عێراق ڕایگەیاند، لە مانگی تەمموزدا 57 بوومەلەرزە لە سەرجەم پارێزگاکان تۆمارکراون.
- دەستەی کەشناسی عێراق: زۆرترینیشیان لە کەرکووک بوون.
دەستەی کەشناسی عێراق، لە ڕاگەیێنراوێکدا ئاماژەی بەوەکردووە، ژمارەی ئەو بوومەلەرزانەی لە ڕێگەی تۆڕی چاودێریی بوومەلەرزەزانی عێراقییەوە تۆمارکراون گەیشتوونەتە102 بوومەلەرزە کە 57یان لە ناوخۆی عێراق و 45 یشیان لە دەرەوەی عێراق لە نزیک سنوورەکان ڕوویانداوە.
زۆرترین بوومەلەرزە لەکام پارێزگا بووە؟
- بەشێوەیەی دیار لەو مانگەدا چالاکیی بوومەلەرزە لە پارێزگای کەرکووک بووە.
- بەجۆرێک32 بوومەلەرزە لە ناوچەکانی داقوق و دەورووبەری ڕوویانداوە.
- لە دوای کەرکووک پارێزگای سلێمانی دێت بە هەشت بوومەلەرزە لە ناوچەکانی کەلار و دەربەندیخان و شارباژێر.
- لە پلەی سێیەمدا پارێزگای دیالەیە بە پێنج بوومەلەرزە لە خانەقین.
بوومەلەرزەکان لەناوچەکانى دیکە
بوومەلەرزەزانیی عێراق دەشڵێت، لە مانگی تەمموزدا چوار بوومەلەرزە لە ناوچەکانی کۆیە و چۆمان و شەقڵاوە لە پارێزگای هەولێر تۆمارکراون، هەروەها چوار بوومەلەرزە لە پارێزگای نەینەوا، یەک بوومەلەرزەش لە هەریەکە لە پارێزگاکانی واست و میسان و بەسرە و زیقار تۆمار کراون.
هەروەها ئەو بوومەلەرزانەی لە سنوورەکانی دەرەوەی عێراق تۆمارکراون،29 ـیان لە ناوخۆی ئێران و 16 بوومەلەرزەش لە ناو خاکی تورکیا لەسەر سنووری عێراق تۆمارکراون.
زانیارى زیاتر بۆتۆ
کەناڵ8
1 کاتژمێر پێش ئێستا