لە جەددە لووتکەی سێ قۆڵیی تورکیا و سعودیە و پاکستان بەڕێوەدەچێت
عەدنان ئەحمەد 3 کاتژمێر پێش ئێستا
پوختەى هەواڵ
- لە جەددە لووتکەی سێ قۆڵی تورکیا، سعودیە و پاکستان بەڕێوەدەچێت.
- سەرکردەی هەرسێ وڵاتەکە، ڕێککەوتنی بەرگریی هاوبەشی نێوانیان واژۆ دەکەن.
ئەمڕۆ هەینی لە شاری جەددە، ڕەجەب تەیب ئەردۆغان، سەرۆککۆماری تورکیا، محەممەد بن سەلمان، شازادەی جێنشینی سعودیە و شەهباز شەریف، سەرۆکوەزیرانی پاکستان کۆدەبنەوە.
دروستکردنى بەرەیەکى نوێى بەرگری
- میدیای فەرمیی تورکیا دەڵێت، هەرسێ سەرکردە، ئەو ڕێککەوتنە بەرگرییە هاوبەشە واژۆ دەکەن، کە چەند مانگێکە بە چڕی کار لەسەر نووسینەوە و ئامادەکردنی دەکرێت.
- میدیای فەرمیی تورکیا ڕێککەوتنەکە بە گرنگ بۆ ئاشتی، ئاسایش و سەقامگیریی ناوچەکە ناو دەبات.
- بڕیاربوو ڕێککەوتنەکە لە چەند مانگی داهاتوو واژۆ بکرێت، بەڵام جەنگی ئێران و ئەمریکا، مەترسیی گرووپە چەکدارەکانی عێراق و حووسییەکان بۆ سەر سعودیە، کاتی واژۆکردنی ڕێککەوتنەکەی پێشخست.
- تاهیر ئاندرابی، گوتەبێژی وەزارەتی دەرەوەی پاکستانیش، ڕێککەوتنەکە بە ستراتیژیی ناو دەبات.
ڕێککەوتنى بەرگری نێوان پاکستان و سعودیە
پێشتر و لە ساڵی 2025، پاکستان و سعودیە ڕێککەوتنی بەرگریی ستراتیژیی نێوانیان واژۆ کردبوو، دواتر بڕیاردرا تورکیاش بخرێتە ناو ڕێککەوتنەکەوە.
چ بوارێک دەگرێتەوە
ڕێککەوتنەکە بوارەکانی پیشەسازیی بەرگریی، ڕاهێنانی سەربازیی و هەماهەنگیی هەواڵگری و ئەمنیی لەخۆدەگرێت.
زانیارى زیاتر بۆتۆ
عەدنان ئەحمەد
3 کاتژمێر پێش ئێستا