موجتەبا خامنەیی موحسێن ڕەزایی وەک نوێنەری خۆی لە ئەنجوومەنی ئاسایشی نەتەوەیی دیاریکرد
پووختەی هەواڵەکە:
- ڕێبەری باڵای ئێران نوێنەری خۆی لە ئەنجوومەنی ئاسایشی وڵاتەکەی دیاریکرد
- محەممەد باقر زولقەدەر کرایە ڕاوێژکاری سیاسیی موجتەبا خامنەیی
بە بڕیاری موجتەبا خامنەیی، ڕێبەری ئێران، هەریەک لە موحسین ڕەزایی و محەممەد باقر زولقەدر، دوو پۆستی نوێیان وەرگرت.
نوێنەری ڕێبەری باڵای ئێران
موجتەبا خامنەیی، ڕێبەری ئێران لە بڕیاری یەکەمدا سەبارەت بە موحسین ڕەزایی دەڵێت، بەهۆی ئەزموونی زۆرتان، وەک نوێنەری تایبەتی خۆم لە ئەنجوومەنی ئاسایشی نەتەوەیی ئێران.
ڕێبەری باڵا ستایشی نوێنەرەکەی دەکات
- ستایشی موحسین رەزایی
- بەشداری شەڕێ هەشت ساڵەی ئێران-عێراق
ڕێبەری ئێران لە ستایشی موحسین ڕەزایی نووسیویەتی، "ئێوە لەو کەسانەن لەسەرەتاوە پێشەنگی قۆناغی بەرگریی پیرۆزیی شەرەفمەندانەی وڵات بوون، کە بۆ ماوەی هەشت ساڵ درێژەی هەبووە".
پۆستی نوێی محممەد باقر زولقەدر
لە فەرمانێکی دیکەدا، موجتەبا خامنەیی، محەممەد باقر زولقەدر، وەک ڕاوێژکاری باڵای سیاسی خۆی دیاری دەکات.
محەممەد باقڕ زولقەدر، تاوەکو چەند ڕۆژێک لەمەوبەر، ئەمینداری ئەنجوومەنی ئاسایشی نەتەوەیی ئێران بوو.
زانیاری زیاتر بۆ تۆ
ئەنجوومەنی ئاسایشی نیشتمانیی ئێران: وەڵامدانەوەی ئیسرائیل نزیکە
ئەکسیۆس: بڕیاری ڕێککەوتن لە بەردەم ئەنجوومەنی ئاسایشی ئێراندایە
موحسین ڕەزایی: گەرووی هوورمز لە دەیان بۆمبی ئەتۆمی بۆ ئێران گرنگترە
