پووختەی هەواڵەکە

• دۆناڵد ترەمپ: گەمارۆی دەریایی ئێمە دیوارێکی پۆڵاینە

• دۆناڵد ترەمپ: ئێران هیچ هێزێکی دەریایی و ئاسمانی نییە

• دۆناڵد ترەمپ: سەربازانی ئێران مووچەیان پێنادرێت و پاسداران لەناوبراوە

---

دۆناڵد ترەمپ، سەرۆکی ئەمریکا دەڵێت، وڵاتەکەی بە تەواوی کۆنترۆڵی گەرووی هورمزی کردووە، دەشڵێت، چیدی ئێران ئەو ئێرانە نەما کە چەوسێنەری ڕۆژهەڵاتی ناوەڕاست بێت.

---

لێدوانی ترەمپ لە تۆڕی تروس سۆشیال

ئەمڕۆ چوارشەممە، دۆناڵد ترەمپ، سەرۆکی ئەمریکا لە پۆستێکیدا لە تۆڕی کۆمەڵایەتیی تروس سۆشیاڵ نووسیوێتی، کۆنتڕۆڵی تەواوی گەرووی هوورمزمان کردووە و پارێزگاریشی لێ دەکەین، دەشڵێت، گەمارۆی دەریایی ئێمە لەلایەن هەمووانەوە بە "دیوارێکی پۆڵایین" ناودەبرێت و ئێران ناتوانێت هیچ بکات بەرامبەری.

هەڵاوسان لە ئێران گەیشتووەتە ٪300

ترەمپ ئاماژەی بەوەکردووە، ئێران هیچ هێزێکی دەریایی و ئاسمانیی نییە، سەربازەکانی مووچەیان نییە، سوپای پاسداران لەناوبراوە و ڕادەکەن و سەرکردایەتییان لە باشترین حاڵەتدا سەقامگیر نییە، هیچ پارەیەکیان نییە - وڵاتەکەیان تێکشکاوە، ئەوەی هەیانە، تەنیا هەواڵی درۆ و هەڵاوسانی ٪300 یە و ڕۆژ بە ڕۆژ خراپتریش دەبن.

سەرۆکی ئەمریکا نووسیوێتی، ئێران تەنیا قسە دەکات و هیچ کارێکی پێ ناکرێت، دەشڵێت، سوپاس بۆ خودا ئێران چیدی داپڵۆسێنەری ڕۆژهەڵاتی ناوەڕاست نابێت.

زانیاری زیاتر بۆ تۆ

دۆناڵد ترەمپ داوای قەرەبوو لە ئێران دەکات

ترەمپ: بە هێمنی مامەڵە لەگەڵ ئێران دەکەین

ترەمپ ئێران بە دەستوەردان لە دانوستانەکانی غەززە تۆمەتباردەکات