سێيەم شەپۆلی گەرما وڵاتانی ئەورووپا دەگرێتەوە
پوختەى هەواڵەکە
- سێيەم شەپۆلی گەرمای ئەم وەرزە وڵاتانی ئەورووپا دەگرێتەوە
- لە هەندێک شوێن پلەکانی گەرما نزيک دەبێتەوە لە40 پلەی سيليزی.
بە گوێرەى ئەو زانیارییەى گەیشتووە بە کەناڵ8، دەزگای کەشناسی ئەڵمانیا ڕایگەیاندووە، ئەمڕۆ پێنجشەممە پلەکانی گەرما بۆ 37 پلەی سیلیزى بەرزدەبنەوە و تاوەکو ڕۆژی هەينی، لە زۆرينەی ناوچەکانی ڕۆژئاوا و باشووری وڵاتەکە دەگاتە 39 پلە.
زیانى بۆ بەشێک لە ڕووبارەکانى ئەوروپا هەبووە
- سێيەم شەپۆلی گەرمایە ئەڵمانيا و بەشێک لە وڵاتانى ئەورووپا بگرێتەوە.
- گەرما درێژخایەنەکە بووەتە هۆی ئەوەی لە هەندێک ناوچەدا ئاستی ئاوی ڕووباری ڕاین دابەزێت بۆ نزمترین ئاست.
- ڕووبارەکە یەکێکە لە ڕێڕەوە ئاوییە سەرەکییەکانی ئەورووپا بۆ گواستنەوەی کەلوپەل.
بە گوێرەی پێشبينييەکانی کەشناسییەکانى فەڕەنسا، ئيسپانيا و ئيتاڵيا، پلەکانی گەرما دەگەنە سەروو 35 پلە، لە دوو وڵاتی فەڕەنسا و ئیسپانیا، سەرباری بەرزی پلەکانى گەرما، چەند هەفتەيەکە ئاگری دارستانەکان بەشێک لە ناوچەکانی گرتووەتەوە و تاوەکو ئێستاش بەردەوامە.
تێپەڕاندنى شەپۆلەکە
بە گوێرەى داتاکانى کەشناسیی وڵاتانى ئەورووپا، بە نزيکەیی لە نيوەی وڵاتانی ئەورووپا پلەکانی گەرما دەگاتە سەروو 30 پلەی سيليزی.
هەر بە گوێرەی داتاکانی کەشناسی، وڵاتانی ڕۆژئاوای کيشوەرەکە، گەرمترين مانگی حوزەيران و تەمموزيان تێپەڕاند، پلەکانی گەرماش لە ئەورووپا، دوو هێندە خێراتر لە کيشوەرەکانی ديکە بەرزدەبێتەوە.
زانیارى زیاتر بۆ تۆ
https://channel8.com/kurdish/news/215477
.jpg)
.jpg)