پووختەی هەواڵەکە:

• دروستکردنی هێڵی نوێی نەوتی عێراق - سووریا تێچووەکەی 15 ملیار دۆلارە.

• تەواوکردنی پڕۆژەکە پێویستی بە چوار ساڵ کارکردنی بەردەوام هەیە.

• ئامانجی پڕۆژەکە کەمکردنەوەی پشتبەستنی عێراقە بە گەرووی هورمز بۆ هەناردەکردن.

• کۆمپانیای شیڤرۆن تائێستا دەستی بە توێژینەوە تەکنیکییەکان بۆ هێڵەکە نەکردووە.

---

زانیارییەک گەیشتووە بە کەناڵ8 ئاشکرای دەکەن عێراق پلانی هەیە لە ڕێگەی پڕۆژەیەکی 15 ملیار دۆلارییەوە و بە هاوکاری کۆمپانیا ئەمریکی و قەتەرییەکان، هێڵێکی نوێی گواستنەوەی نەوت بەرەو بەندەری بانیاسی سووریا دروست بکات بۆ ئەوەی چیتر تەنیا پشت بە گەرووی هورمز نەبەستێت.

---

عێراق و کۆمپانیا نێودەوڵەتییەکان:

• عێراق و سووریا یاداشتنامەی لێکتێگەیشتنیان لەگەڵ کۆمپانیاکانی شیڤرۆنی ئەمریکی، تی ئای کاپیتال و یو سی سی قەتەری واژۆ کردووە.

• پڕۆژەکە سیستمێکی نوێیە کە کێڵگەکانی باشوور و باکووری عێراق پێکەوە دەبەستێتەوە و لە حەدیسەوە دەگاتە بانیاس.

• کۆمپانیای شیڤرۆن جەختی کردووەتەوە کە هێشتا هیچ توێژینەوەیەکی تەکنیکی یان دارایی بۆ دروستکردنی هێڵەکە ئەنجام نەداوە.

پێگەی ستراتیژی و ئابووری:

بەپێی داتاکانی سۆمۆ، هەناردەی نەوتی عێراق لە ڕێگەی گەرووی هورمزەوە بۆ 35 ملیۆن و 500 هەزار بەرمیل لە مانگی تەممووزدا دابەزیوە. ئەم پڕۆژە نوێیە وەک جێگرەوەیەک دەبینرێت بۆ هێڵە کۆنەکەی کەرکووک - بانیاس کە بەهۆی شەڕەکانەوە زیانی زۆری بەرکەوتووە و ئێستا لەگەڵ تایبەتمەندییە نوێیەکاندا ناگونجێت.

پشتگیریی ئەمریکا:

بەرپرسانی ئەمریکا و کارگێڕانی کەرتی وزە پشتیوانی لە کۆمپانیای شیڤرۆن دەکەن بۆ دروستکردنی ئەم هێڵە. ئەم هەنگاوە بەشێکە لە ستراتیژییەک بۆ کەمکردنەوەی فشارەکان لەسەر عێراق لە کاتی ئاڵۆزییەکاندا، چونکە گەرووی هورمز لە کاتی جەنگ و ململانێکاندا دەبێتە ڕێگر لەبەردەم هەناردەکردنی نەوتی عێراق بە بڕی پێویست.

زانیاری زیاتر بۆ تۆ

بەرپرسێکی سووری بۆ کەناڵ8: یاداشتی نۆژەنکردنەوەی هێڵی کەرکووک- بانیاسمان لەگەڵ عێراق واژۆکرد

بەغدا و دیمەشق یاداشتنامەیەک بۆ نۆژەنکردنەوەی هێڵی نەوتی حەدیسە - بانیاس واژۆ دەکەن

کۆمپانیای شیڤرۆن و ئەمریکا کار بۆ زیندووکردنەوەی هێڵی نەوتی کەرکووک- بانیاس دەکەن

بە سەرپەرشتیی ئەمریکا؛ عێراق و سووریا ڕێککەوتنی زیندووکردنەوەی بۆری نەوتی کەرکوک - بانیاس واژۆ دەکەن

عێراق و سووریا و ئەمریکا بۆریی نەوتی کەرکووک - بانیاس زیندوو دەکەنەوە