ئەمریکا چەند ناوچەیەکی لە ئێران بۆردوومانکرد
پووختەی هەواڵەکە:
- سێنتکۆم: بۆردوومانەکان لە تۆڵەی هێرشی پاسداران بووە بۆسەر کەشتییەکان لە هوورمز
- میدیاکانی ئێران:تەقینەوەکان لە بەندەر عەباس، قیشم و دوورگەی سیرک و چەند ناوچەیەکى دیکە بیستراون.
- بۆردوومانەکانیان لە تۆڵەی هێرشەکانی سوپای پاسداران بووە بۆسەر کەشتییە بازرگانییەکان لە گەرووی هوورمز.
میدیای ئێران بڵاویکردەوە، تەقینەوە لە چەند ناوچەیەکی ئێران ڕوویداوە، فەرماندەیی ناوەندیی هێزەکانی ئەمریکاش ئاشکرای دەکات، چەند ئامانجێکی سوپای پاسدارانیان بۆردوومان کردووە.
بەگوێرەى میدیاکانی ئێران، تەقینەوەکان لە بەندەر عەباس، قیشم و دوورگەی سیرک و چەند ناوچەیەکى دیکە بیستراون.
دوای تەقینەوەکان، فەرماندەیی ناوەندیی هێزەکانی ئەمریکا بڵاویکردەوە، هێرشیان کردووەتەسەر ژمارەیەک ئامانجی سوپای پاسداران.
باسلەوەشکراوە، بۆردوومانەکانیان لە تۆڵەی هێرشەکانی سوپای پاسداران بووە بۆسەر کەشتییە بازرگانییەکان لە گەرووی هوورمز.
لێدوانی بەرپرسێکی ئەمریکا لەسەر هێرشەکان
- ئەکسیۆس لە زاری بەرپرسێکی ئەمریکاوە :هێرشەکانیان بۆسەر ئێران ئەمشەو، ڕەنگە بگاتە 100 هێرش.
- وەزارەتی دەرەوەی ئەمریکا: پێویستە ئەمریکییەکان لە ڕۆژهەڵاتى ناوەڕاست بەوپەڕى وریاییەوە مامەڵە بکەن لەگەڵ دۆخەکەدا.
- دۆناڵد ترەمپ هەڕەشەی تۆڵەکردنەوەی هێرشەکانی سەر بنەکانی وڵاتەکەی لە ئوردن کردبوو.
بەرپرسێکی ئەمریکی بە ئەکسیۆسی ڕاگەیاندووە، هێرشەکانیان بۆسەر ئێران ئەمشەو، ڕەنگە بگاتە 100 هێرش.
لێدوانی وەزارەتی دەرەوەی ئەمریکا
وەزارەتى دەرەوەى ئەمریکاش بڵاویکردەوە، پێویستە ئەمریکییەکان لە ڕۆژهەڵاتى ناوەڕاست بەوپەڕى وریاییەوە مامەڵە بکەن لەگەڵ دۆخەکەدا.
پێشتریش دۆناڵد ترەمپ، سەرۆکی ئەمریکا ڕایگەیاندبوو، لە تۆڵەی هێرشکردنەسەر بنکەی هێزەکانیان لە ئوردن، وەڵامی ئێران دەدەنەوە.
بەرزبوونەوەی نرخی نەوت
دوای هێرشەکانی سەر ئێران، نرخی نەوتی خاو لە بازاڕەکانی جیهان بە ڕێژەی 3% بەرزبووەوە و هەر بەرمیلێک نەوت گەیشتە 96 دۆلار.
زانیاری زیاتر بۆ تۆ
سەرۆکی ئەمریکا: جەنگی ئێران بۆ ئێمە جەنگێکی بچووکە
ترەمپ سزاکان بە کاریگەرتر لەشەڕی مووشەکی لە دژی ئێران دەبینێت
پزیشکیان: ئامادەین دوایین ڕێککەوتن جێبەجێبکەین
پلانی ترەمپ بۆ هێرشێکی سنووردار دژی پێگە سەربازییەکانی ئێران
3 کاتژمێر پێش ئێستا