پووختەى هەواڵەکە

• حکومەتی ئەڵمانيا: ئەم هاوينە 30 هەزار کەس لە وڵاتانی ئەورووپا بەهۆی گەرماوە گيانيان لە دەستداوە.
• ئەم هاوينە لە ئەڵمانيا 16 هەزار و 300 کەس بەهۆی گەرماوە گيانيان لەدەستداوە.
• زياتر لە 30 هەزار کەس لە وڵاتانی ئەورووپا گيانيان لەدەستداوە.

---

پەیمانگەی ڕۆبەرت کۆخ، کە ناوەندێکی فیدراڵی ئەڵمانیايە بۆ کۆنتڕۆڵکردن و خۆپاراستن لە نەخۆشی و لە چوارچێوەی وەزارەتی تەندروستی ئەو وڵاتەدا کاردەکات، ڕايگەياندووە لە 23ـی ئابەوە 500 کەس بەهۆی نەخۆشييەکانی پەيوەست بە گەرماوە گيانيان لەدەستداوە.

---

ئامارەکانى هەفتەى ڕابردووى پەیمانگاکە

• لە نێوان يەکی حوزەيران تاوەکو 23ـى ئاب، 15 هەزار و 800 حاڵەتی گیانلەدەستدان تۆمارکراوە.
• کۆی ئامارەکە تاوەکو ئێستا بووەتە 16 هەزار و 300 کەس.
• لە ئەڵمانیا زۆرترین ڕێژەی مردن بەهۆی گەرماوە لە ناو ئەو کەسانەدايە کە تەمەنيان لە سەروو 75 ساڵەوەيە.
• بە گوێرەی خەمڵاندنەکانی پەيمانگاکە، 9 هەزار و 600 کەس بە تەنيا لە ماوەی هەفتەيەکدا لە 22-28ـی حوزەيران گيانيان لەدەست داوە.

ئەوە لە کاتێکدایە، بە گوێرەی ڕاپۆرتە تەندروستييەکان، لە گەرمادا جەستەی مرۆڤ شەڕی مان و نەمان دەکات، گەرما زیانی گەورە بە لەش و ئەندامەکانی دەگەیێنێت و هۆکارێکە بۆ گیان لەدەستدان و دەبێتە هۆی جۆرێک لە جەڵتە کە بە جەڵتەی گەرما ناسراوە، چونکە فشاری دڵ زیاد دەکات و ئاو لە لەشدا نامێنێت.

زانیارى زیاتر بۆ تۆ

یەکێتيی ئەوروپا: رێژەی دیاریکراوی گازی زیانبەخشمان کەمکردووەتەوە

گۆڕانى کەشوهەوا ئاستى ڕووبارى دانوب 130 سانتیم دابەزاندووە

شەپۆلێکى بێ پێشینەى گەرما، ڕووى لە ئەورووپا کردووە؛ لە 24 کاتژمێردا لە پاریس 109 کەس گیانیان لەدەستداوە

لە حوزەیران و تەممووزدا لە نەمسا 646 کەس بە گەرما گیانیان لەدەستداوە