پووختەى هەواڵەکە

• جەمیل بایک: هەنگاوی دیموکراسی نەنرێت پڕۆسەکە پەکى دەکەوێت.
• جەمیل بایک: ئۆجەلان ئازاد نەبێت ناتوانرێت باسی سەرکەوتنی ئەم قۆناغە بکرێت.
• جەمیل بایک: پێویستە دۆخی ئۆجەلان و سەرکردایەتیی پەکەکە ڕوون ببێتەوە.
• جەمیل بایک: کورد نەخرێتە نێو سیستمی دادوەری گرژی و شەڕ بەردەوام دەبن.

---

جەمیل بایک، هاوسەرۆکی کۆنسەی بەڕێوەبەریی کۆما جڤاکێن (کەجەکە)، لە دیمانەیەکدا لەگەڵ ئاژانسی فورات نیوز دەڵێت، لەگەڵ ئەوەی یاسای پڕۆسەکە ئاماژە بە داماڵینی چەک دەکات، بەڵام ئەوان وەک دەستپپێکی قۆناغی ئاشتی تەماشایان کردووە.

---

جێبەجێکردنى یاسایى چوارچێوە

• جەمیل بایک: پێویستە یاساکە لە ڕێگەی دانوستاندنی نێوان دەوڵەت، ئیمراڵی و بزووتنەوەکەیان جێبەجێبکرێت و بۆ ئەوەی چەکدانانیش ڕووبدات.
• جەمیل بایک: پێویستە هەنگاوی یاسایی و دیموکراسیی بنرێت.
• جەمیل بایک: ئەگەر ئەم پڕۆسەیە بە هەنگاوی دیموکراسی بەرەو پێش نەبرێت، دەخنکێت و پەکى دەکەوێت، بەرپرسیاری ئەمەش دەسەڵات دەبێت.
• لە بارەى ئۆجەلانیش بایک دەڵێت، تاوەکو ئۆجەلان بە شێوەیەکی ئازاد کار نەکات و لە ڕووی جەستەییەوە ئازاد نەبێت، ناتوانرێت باسی پێشکەوتن و سەرکەوتنی ئەم قۆناغە بکرێت.

پڕۆسەى ئاشتى لە تورکیا و باکوورى کوردستان

بایک لەبارەی پڕۆسەکەوە دەڵێت، پڕۆسەکە لە قۆناغی گفتوگۆوە چووەتە قۆناغی کردەیی و جێبەجێکردن و لەم قۆناغەشدا، دەبێت ئۆجەلان بە شێوازێکی چالاک ڕۆڵ بگێڕێت.

بایک ڕەخنەی لە بێبەشکردنی کادرانی سەرکردایەتیی پەکەکە لە سوودمەندبوون لە یاساکە گرت و گوتی، ئەم بێبەشکردنە کێشەیەکەی جددییە و پێویستە چارەسەر بکرێت. ئەگەر دەسەڵات جدییە لە پڕۆسەکەدا، پێویستە دۆخی ئۆجەلان و سەرکردایەتیی پەکەکە ڕوون ببێتەوە.

لە بارەی چارەسەری کێشەی کورد لە تورکیاش، بایک باس لەوە دەکات، پێویستە بە یاسا بوونی کورد لە نێو سیستمی دادوەریدا جێگیر بکرێت. ئەگەر ئەمە نەبێت، پرسی کورد چارەسەر نابێت و ئاشتییەکی ڕاستەقینەش نایەتە دی. ئەو کاتە گرژی و شەڕیش بەردەوام دەبن.

زانیارى زیارت بۆ تۆ

جەمیل بایک: کشانەوەی هەسەدە لە ڕەققە هەڵە نەبوو و ئێستاش بەرگری لە برایەتیی گەلان دەکەین

جەمیل بایک: ئاکپارتی و مەهەپە یەک هەنگاویان نەناوە

جەمیل بایک: پێویستە بە تەواوی گۆشەگیری لەسەر ئۆجەلان هەڵبگیرێت