شەشەمین خولی فێستیڤاڵی نێودەوڵەتیی فیلمی سلێمانی دەستپێدەکات

ئامادەکارییەکان کۆتاییان هاتووە
بە دروشمی "شکۆی مرۆڤ" بەڕێوەدەچێت
نۆ بۆ 15ی ئەیلوول بەردەوام دەبێت
لە تەلاری هونەر دەستپێک و کۆتاییەکەی دەبێت
پانێڵەکان لە 10ی بەیانییەوە دەستپێدەکەن
فیلمەکان لە سیتی سینەما نمایش دەکرێن
بەنزیکەی 250 میوان بەشدارن
کێبڕکێی تایبەت بە پۆستەری شکۆی مرۆڤ ڕێکدەخرێت

دەستپێک و کۆتایی فێستیڤاڵەکە نۆ و 15ی ئەیلوول، کاتژمێر شەش و نیوی ئێوارە دەبێت، لە چوارچێوەی کار و چالاکییەکانی خولی شەشەمدا، بڕیارە:

چوار پانێڵ، ماستەر کڵاس و گفتوگۆیەک ڕێکدەخرێن
گەشت بۆ میوانەکان ڕێکدەخرێت
هەل بۆ بەرهەمهێنانی فیلم لەگەڵ بەرهەمهێنەرە بیانییەکان دەڕەخسێنرێت
براوەی کێبڕکێی پۆستەری شکۆی مرۆڤ ئاشکرا دەکرێت

دەستپێکی فێستیڤاڵەکە هاوتایە لەگەڵ 42ـەمین ساڵیادی کۆچی دوایی یەڵماز گیونەی گەورە دەرهێنەری کورد

ئامارەکانی فێستیڤاڵ:

زیاتر لە 650 فیلم پێشکەش کراون
31 وڵات فیلمیان پێشکەش کردووە
22 وڵات فیلمەکانیان وەرگیراون
لیژنەی هەڵبژاردن 108 فیلمیان هەڵبژاردووە بۆ تێکڕای بەشەکانی فێستیڤاڵ
زۆربەی فیلمەکان کێبڕکێی بردنەوەی خەڵات دەکەن

پشتیوانیی خۆمان بۆ هاوار فیلم ڕادەگەیەنین بۆ چەسپاندنی ڕێکەوتی نۆی ئەیلوول وەکو ڕۆژی سینەمای کوردی
هەڵگورد ساڵح - بەڕێوەبەری هونەریی فێستیڤاڵ

بەگوێرەی ڕێککەوتن، بڕیارە ژمارەیەک لە میدیا بیانییەکان، ڕۆڵیان هەبێت لە ڕووماڵکردنی چالاکییەکان و ئامانج لێی ناساندنی زیاتری فێستیڤاڵەکەیە لە ئاستی نێودەوڵەتییدا، بە ئامانجی کۆکردنەوەی بەشداربووی زیاتر لە ساڵانی داهاتوودا:

ڕۆژنامەنووسانی بیانی بانگهێشت کراون
بەرهەمهێنەرە نێودەوڵەتییەکان ئامادە دەبن
بازرگان و وەبەرهێنەرە بیانییەکان بەشدار دەبن
شەش بەرپرسی فێستیڤاڵە گەورەکانی ئەورووپا ئامادە دەبن

بودجەی فێستیڤاڵەکە زۆر نییە و لە خوار 500 ملیۆن دینارەوەیە، کەمترین بودجەی فێستیڤاڵە، فێستیڤاڵەکانی دیکە بەنزیکەی 750 ملیۆن بۆ 800 ملیۆن دیناریان بۆ خەرج دەکرێت.
فوئاد جەلال – بەڕێوەبەری فێستیڤاڵ

ئەو مەرجانەی فیلمەکانیان لەسەر وەرگیراوە:

پاراستنی ئاسایشی نەتەوەیی
دروستنەکردنی کاریگەریی نەرێنیی لەسەر پەروەردە