گەڕەکی سێبەردان و چەندین ناوچەی دیکەى هەولێر شەوێکی سەختیان بەڕێکرد.
لە گەڕەکى سێبەردان محەممەدى 28 ساڵ گیانى لەدەستدا.
سەدان ماڵ و دوکانى هاونیشتمانییان وێرانبوون.
شەوى شەممە لەسەر یەکشەممە، گەرەکی سێبەردانی هەولێر شەوێکی پڕ لە ترس و دڵەڕاوکێى بەسەربرد. لافاو هەموو شتێکی تێکدا، بەڵام دڵتەزێنترین ڕووداو گیانلەدەستدانی محەممەد بوو.
محەممەد چوو تاوەکو گیانى کەسێک ڕزگار بکات.
بەڵام خۆی نەگەڕایەوە و بووە چیرۆکێکی خەمبار بۆ ئێمە و کەسوکارى.
کاتێک ڕۆژ بووەوە قەبارەی زیانەکان زیاتر دەرکەوت.
هاونیشتمانییان چاوەڕوانی یارمەتی و چارەسەری خێرای لایەنە پەیوەندیدارەکانن.
بەهێزی خۆیان دەستیان بەپاککردنەوەی ماڵەکانیان کرد.
هیچ تیمێکی خزمەتگوزاری نەگەیشتە شوێنی لافاوەکە.
لە سێبەردانەوە تاوەکو گەڕەکەکانی شێخ ئەحمەد، گلکەند و تەیراوە و سەیداوەو برایەتی و هەولێری نوێ، تاوەکو بازاڕەکانی لەنگە، فاملی مۆل و داون تاون، جگە لەزیانی گیانی زیانی مادی بەر بازاڕ و ماڵ و دەیان ئۆتۆمبێلی هاونیشتمانییان کەوت.
پاککردنەوە دەستیپێکردووە؛ هاونیشتمانییەک: داوای هاوکاریم لە شارەوانى کرد گوتیان سێ ڕۆژی دیکە
پردى سەیداوە بووە بە ڕەمزى لافاو؛ کۆڕنیشەکە کاسبکارانى ماڵوێران کرد