سەرۆککۆمار پێشوازیى لە فەرماندەى هێزەکانى حەفتا کرد
پووختەی هەواڵەکە:
- سەرۆکایەتیى کۆمار: جەخت لە گرنگیی ڕۆڵى هێزەکانى 70 کرایەوە لە پاراستنى ئاسایش.
- جەختکردنەوە لەسەر گرنگیی بەردەوامبوون لە هەماهەنگیى نێوان پێکهاتە و هێزە جیاوازەکان کرایەوە.
- جەختکردنەوە لە پێویستیى برەودان بە توانای هێزەکانى پێشمەرگە و بەرزکردنەوەى ئاستى ئامادەییان.
نزار ئامێدى، سەرۆککۆمارى عێراق لە کۆشکى سەلام لە شارى بەغداد پێشوازیى لە فەریق ڕوکن، عومەر ساڵح، فەرماندەى هێزەکانى حەفتا کرد.
نووسینگەى ڕۆژنامەوانیى سەرۆکایەتى کۆمارى عێراق ڕاگەیێنراوێکى بڵاوکردەوە و تیایدا ئاماژە بەوە کراوە، لە کۆبوونەوەى سەرۆککۆمار و فەرماندەى هێزەکانى حەفتا باس لە چەند بابەتێک و پەرەسەندنە ئەمنییەکانى عێراق کراوە.
جەختکردنەوە لە هەماهەنگی نێوان پێکهاتە جیاوازەکان
لە کۆبوونەوەکەدا سەرۆککۆمار جەختى لەسەر گرنگیی بەردەوامبوون لە هەماهەنگیى نێوان پێکهاتە و هێزە جیاوازەکان کردووەتەوە بە جۆرێک برەو بە پاراستنى هاوڵاتییان بدات و سەقامگیریى بەدى بهێنێت.
جەختکردنەوە لە برەودان بە توانای هێزەکانی پێشمەرگە
سەرۆککۆمار جەختى لەسەر پێویستیى برەودان بە توانای هێزەکانى پێشمەرگە و بەرزکردنەوەى ئاستى ئامادەییان کردووەتەوە و ستایشى ڕۆڵى هێزەکانى حەفتاى کردووە لە بەرجەستەکردنى ئەرکە نیشتمانییەکانیدا.
خستنەڕووی ئەرکەکانی هێزەکانی 70
لە کۆبوونەوەکەدا فەریق ڕوکن، عومەر ساڵح گرنگترین ئەرکەکانى هێزەکانى حەفتاى بۆ سەرۆککۆمار خستەڕوو هەروەها جەختى لەسەر بەردەوامبوونى کارکردن و هەماهەنگى نێوان هێزەکان کردەوە بەو جۆرەى کە خزمەت بە ئاسایش و سەقامگیریى دەکات.
زانیاری زیاتر بۆ تۆ
نزار ئامێدی: پێشمەرگە هێزێکی دەستوورییە و هاوشێوەی سوپای عێراقە
قاسم ئەعرەجی: چەکی پێشمەرگە دەستوورییە و پەکەکە ناشەرعییە
سەرۆککۆمارى عێراق پێشوازیى لەخانەوادەی ئەو عەمیدە کرد لەکاتی لابردنى زیادەڕۆیى کوژرا
