حکومەتی یەمەن: بابولمەندەبمان کۆنتڕۆڵکرد
پووختەى هەواڵەکە
- حکومەتى دانپێدانراوى یەمەن ئۆپراسیۆنی "بەرەبەیانیی یەمەن"ـی دژى حوسییەکان ڕاگەیاند.
- ئامانج لە ئۆپراسیۆنەکە کۆتاییهێنانی دەسەڵاتی حوسییەکانە لەو ناوچانەی کۆنترۆڵییان کردووە.
هێزەکانی حکومەتی دانپێدانراوی یەمەن کۆنترۆڵکردنی گەرووی بابولمەندەب و فڕۆکەخانەی "زوباب"یان لە باشووری ڕۆژئاوای یەمەن ڕاگەیاند، ئەوەش دواى ئەوەى ئەمڕۆ دووشەممە، ڕەشاد علێمی، سەرۆکی ئەنجوومەنی سەرکردایەتیی یەمەن دەستپێکردنی ئۆپراسیۆنی "بەرەبەیانیی یەمەن"ـی ڕاگەیاند.
دوایین بەرەو پێشچوونە مەیدانییەکان:
- هێزەکانی سوپای یەمەن ژمارەیەک خاڵی ستراتیجی "بابولمەندەب"یان کۆنتڕۆڵکردووەتەوە.
- هێزەکانی حکومەتی یەمەن هێرشێکی ستراتیجییان بە ئاڕاستەی سەنعا دەستپێکردووە.
- حوسییەکان پێشڕەوییەکانی هێزەکانی حکومەت ڕەتدەکەنەوە.
- حوسییەکان ئاماژە بە پێشڕەویکردنی هێزەکانیان لە پارێزگای تەعز دەکەن.
- حوسییەکان بانگەشەى ئەوەیان کرد چوونەتە ناو ماڵی ڕەشاد علێمی سەرۆکی ئەنجوومەنی سەرکردایەتیی یەمەن لە تەعز.
سعودیەش لە هێرشەکە بەشدارە:
وەزارەتی بەرگریی سعودیە ئاشكرایکرد، 100 فڕۆکەی جەنگیی وڵاتەکەیان بەشداریی ئۆپراسیۆنی "بەرەبەیانیی یەمەن" دەکات، لە پێناو پاڵپشتیکردنی هێزەکانی حکومەتی یەمەن.
ئاماژەبەوەشکراوە، 324 ئامانجی گرنگیان لەگەڵ دەستپێکردنی پرۆسەکە لە یەمەن پێکاوە و بەردەوامیش چاودێریی ئەو ئامانجە جوڵاوەکانیان کردووە، ئەمە جگە لە هێرشکردنە سەر ئامانجی حوسییەکان لە سەنعا.
زانیاریى زیاتر بۆ تۆ:
بابولمەندەب..گەرووى خوێن و فرمێسک
شەڕی بابولمەندەب؛ حکومەتی یەمەن دەڵێت پێشڕەویی کردووە و حووسییەکانیش ڕەتیدەکەنەوە
1 کاتژمێر پێش ئێستا