پووختەى هەواڵەکە:

• جەنگى ئێران کاریگەرى لەسەر هەناردەى نەوتى عێراق هەبووە.

• سەرەڕاى دۆخى جەنگ لە چەند ڕێڕەوێکەوە عێراق بەردەوام بووە لە هەناردەى نەوت.

• 90%ـى داهاتى عێراق لە فرۆشتنى نەوتەوە سەرچاوە دەگرێت.

کۆمپانیای سۆمۆ داتای هەناردەی نەوتی عێراق و پارەی بەدەستهاتووی فرۆشتنی نەوتی خاوی بڵاوکردەوە و دەڵێت، لە نۆ مانگی ڕابردوودا زیاتر لە 500 ملیۆن بەرمیل نەوت هەناردە کراوە، نەوتی ڕادەستکراوی هەرێمی کوردستانیش زیاتر لە 25 ملیۆن بەرمیل بووە.

کۆمپانیای سۆمۆ، لە نووسراوێکدا بۆ لیژنەی نەوت و وزەی ئەنجوومەنی نوێنەرانی عێراق:

• نەوتی هەناردەکراوی عێراق لە مانگی کانوونی دووەمەوە تاوەکو تشرینی یەکەم، 533 ملیۆن و 459 هەزار و 327 بەرمیل بووە.

• داهاتی نەوتی فرۆشراوی عێراق لەو ماوەیەدا، 37 ملیار و 388 ملیۆن و 384 هەزار و 828 دۆلار بووە.

• 33 ملیار و 511 ملیۆن و 194 هەزار و 387 دۆلار خراوەتەسەر هەژماری بانکی ناوەندیی عێراق.

• هەرێمی کوردستان بڕی 25 ملیۆن و 95 هەزار و 454 بەرمیلی ڕادەستکردووە

• تێکڕای ڕۆژانە دەکاتە 93 هەزار بەرمیل.

بەگوێرەى ئاماری سۆمۆ، کۆمپانیای نەوتی باکوور، لەو نۆ مانگەدا 50 ملیۆن و 757 هەزار و 644 بەرمیل نەوتی هەناردە کردووە، بە تێکڕای ڕۆژانەی 188 هەزار بەرمیل.

زانیاریى زیاتر بۆ تۆ:

مانگى ئەیلول عێراق بەرزترین ئاستى بەرهەمهێنانى نەوتى تۆمارکردووە

100 ڕۆژ بەسەر سەپاندنی گەمارۆی دەریایی سەر ئێراندا تێپەڕی