پووختەی هەواڵەکە

• سەرۆکوەزیرانی عێراق دەڵێت، وڵاتەکەیان لە ئاگری جەنگ و دابڕان دوورخستووەتەوە.

• زەیدی دەشڵێت، هەوڵدەدەن نرخی فەرمی دۆلار جێگیر بکەن و لە155 هەزار زیاتر نەبێت.

• سەرۆکوەزیرانی عێراق ڕاشیگەیاند، چەکیان لە سێ گرووپ وەرگرتووەتەوە و لەگەڵ چواری دیکە لە گفتوگۆدان.

عەلی فالح زەیدی سەرۆکوەزیرانی عێراق لە چاوپێکەوتنێکی تەلەفزیۆنیدا جەختی لەسەر سەروەریی تەواو، بێلایەنی عێراق لە شەڕەکان و بەردەوامبوون لە پرۆسەی دژایەتیکردنی گەندەڵی کردەوە. هەروەها ئاماژەی بە چاکسازییە ئابوورییەکان و ڕێکخستنەوەی کەرتی نەوت و دەروازە سنوورییەکان دا.

عەلی فالح زەیدی سەرۆکوەزیرانی عێراق:

سەروەری عێراق

• بەدیهێنانی سەروەریی تەواو بڕیارێکەو داومانە نەک بژاردەیەک و هیچ جێگرەوەیەک نییە بۆ سنووردارکردنی چەک لە دەستی هێزە ئەمنییەکاندا.

• عێراق بەشداری لە هیچ شەڕێکدا ناکات و دەبێـتە خاڵی بەیەکگەیشتن لە نێوان وڵاتان و ڕێگەنادات لە خاکەکەیەوە دەستدرێژی بکرێتە سەر هیچ وڵاتێک.

کێشەی ئێران و ئەمریکا

• ئێران و ویلایەتە یەکگرتووەکانی ئەمریکا پێویستیان بە ڕۆڵی عێراق هەیە، ئێمە لەگەڵ هێورکردنەوەی دۆخەکەین و بەردەوامین لە کارکردن بۆ هێورکردنەوەی دۆخەکە.

• داخستنی سنوورەکان نە لە بەرژەوەندی عێراقدایە و نە ئێران، زۆرێک لە کاڵاکان لە ڕێگەی ئەم سنوورانەوە دێنە عێراق.

• فڕۆکەخانەی نەجەفمان بۆ گەشتەکانی ئێران کردەوە، و هێڵی ئاسمانی عێراقی بەردەوامە لە گەشتەکانی.

• داخستنی گەرووی هورمز تەنها کاریگەری لەسەر عێراق نەبوو، ئێمە بەهۆی پەیوەندییە بەهێزەکانمان لەگەڵ ئێران هیواخواز بووین عێراق جیاواز مامەڵەی لەگەڵ بکرێت.

• سەردانەکەمان بۆ شانشینی عەرەبستانی سعوودیە لە پێشتر دیاریکرابوو، و پەرۆش بووین بۆ ئەنجامدانی.

• پەرۆشین بۆ دروستکردنی پەیوەندی باش لەگەڵ شانشینی عەرەبستانی سعوودیە و وڵاتانی کەنداو.

ڕووبەڕووبوونەوەی گەندەڵی

• لەسەر بەرەنگاربوونەوەی گەندەڵی بەردەوامین، چاوپۆشیکردن لێی بە واتای نەبوونی توانای بنیاتنانی دەوڵەت دێت.

• پرۆسەی بەرەنگاربوونەوەی گەندەڵی کۆتایی نەهاتووە، و لە داهاتوودا هەڵمەتی ترمان دەبێت.

• ئەرکی ئێمە بنیاتنانی دەوڵەتێکە بۆ عێراقییەکان، زۆرێک لە کێشەکانمان دەستنیشان کردووە و کار بۆ دۆزینەوەی چارەسەر دەکەین، بنیاتنانیش لە نێوان ڕۆژێک و شەوێکدا بەدی نایەت، و هاووڵاتیان ئەنجامەکان دەبینن.

• گەندەڵی هیچ تائیفە و نەتەوەیەکی نییە، ژمارەیەک سیاسەتمەدار هەن کە لە نێوان خۆیاندا جیاوازن بەڵام لە گەندەڵیدا یەکدەگرن، کە بووەتە خاڵی بەیەکگەیشتنیان.

• هەموو ئەوانەی بە تۆمەتی گەندەڵی زیندانی کراون لەسەر بنەمای بەڵگە و دانپێدانان بووە، و بڕە پارەیەکی زۆر گەڕێنراوەتەوە.

• دەزگا چاودێرییەکان بەردەوامن لە پرۆسەکانی وردبینی، و ئەنجامەکان ڕەوانەی دەسەڵاتی دادوەری دەکرێن کە ڕێوشوێنی پێویست لەو بارەیەوە دەگرێتەبەر.

بەهای دۆلار

• دەکرا نرخی ئاڵوگۆڕی دراوی بیانی وەک خۆی بمێنێتەوە، بەڵام حکومەتەکانی داهاتوو ڕووبەڕووی بۆشاییەکی گەورە لە جیاوازییەکەدا دەبوونەوە، و کێشەی ئابووری وا کە ناتوانرێت چارەسەر بکرێت.

• هەوڵدەدەین بەهای دۆلار لە 155 هەزار دیناردا جێگیر بکەین.

• ئێستا مانگانە نیو ملیار دۆلار دەگاتە بانکی ناوەندیی عێراق.

• پڕۆژەکانی شارە نوێیەکان جیاوازن لە پڕۆژەی یەک ملیۆن پارچە زەوی نیشتەجێبوونی بێبەرامبەر، و بەپێی پەرەپێدانی خانووبەرە دەبێت، و پارەکان وەک داهات بۆ سندوقی نەوەکان دەگەڕێنەوە.

• کار دەکەین بۆ چەسپاندنی ناسنامەیەکی ئابووری بۆ عێراق و ئابوورییەکەی فرەچەشن دەکەین.

دۆسییەی نەوت و گەندەڵی تیایدا

• ساڵانە نزیکەی 20 تریلیۆن دینارمان دابین کردووە لە ڕێگەی گۆڕینی میکانیزمەکانی فرۆشتنی بەرهەمە نەوتییەکان، و هەژمارکردنی نەوتی خاو لەسەر وەزارەتی نەوت، کە ئەم پارانە بنەمای دزییەکان بوون.

• زۆربەی تۆمەتبارانی دزینی وەزارەتی نەوت، لە ڕێگەی ملیۆنێک بەرمیلەوە کە وەزارەتەکە بە خۆڕایی وەریگرتبوو، گەندەڵییان دەکرد، و پارەکان بە گەندەڵی بەفیڕۆ دەدرا.

• هەناردەکردنی نەوت لە ئێستادا بەهۆی بارودۆخەکەوە ناجێگیرە، و هەوڵدەدەین تۆڕێکی بۆری دروستبکەین بۆ زیاترکردنی هەناردەکردن.

• عێراق وڵاتێکی گرنگە، و پلانەکانمان بۆ زیادکردنی بەرهەمهێنانی نەوت پەیوەندییە نێودەوڵەتییەکانمان و هاوکاری لەگەڵ وڵاتە دیارەکاندا بەهێزتر دەکات.

• بە ڕوونی لەگەڵ گەلەکەمان قسە دەکەین، ڕەنگە زۆر دیپلۆماسیەت تێدا نەبێت و هەوڵدەدەین خێرا بکەین بۆ بەدیهێنانی ئامانجەکانی گەلەکەمان.

• وەزیرەکان سوێندی شەرەفیان لەبەردەم گەلەکەماندا خواردووە بۆ خزمەتکردنی، و جێگرانی سەرۆک وەزیرانم ڕاسپاردووە بە دۆسیە گرنگەکان بۆ بەدواداچوون و لێکۆڵینەوە.