پووختەى هەواڵ

• نووسراوێک لە هەژمارى فەرمىیى پەرلەمان بەناوى سەرۆکایەتیى دیوانەوە بڵاوکرایەوە.

• لە نووسراوەکەدا وادەى دانیشتنى تەواوکارى پەرلەمانى کوردستان دیاریکراوە.

• بەشێکى زۆر لە فراکسیۆنەکانى بەشداریى دانیشتنى پەرلەمان ناکەن.

کەناڵ8 زانیاریى دەستکەوت کە نووسراوەکە لەلایەن جێگرى سەرۆکى دیوانەوە بەبێ ڕەزامەندى سەرۆکەکەى دەرکراوە و هیچ مۆر و واژۆیەکیشى لەسەر نییە.

نووسراوەکە چى دەڵێت؟

بانگێشتی گشت ئەندامە بەڕێزەکانی پەرلەمان دەکەین بۆ تەواوکردنی بڕگەکانی دانیشتنی (یەکەم)ـی خولی پایزەی ساڵی یەکەم لە خولی هەڵبژاردنی شەشەمی پەرلەمانی کوردستان - عێراق، لە کاتژمێر 11ـی پێش نیوەڕۆی چوارشەممە لە کاتی دیاریکراودا ئامادەبن.

زانیارییەکانى کەناڵ8:

• نووسراوەکە لەلایەن جێگرى سەرۆکى دیوانەوە دەرکراوە، کە پارتییە.

• سەرۆکى دیوانى پەرلەمانی کوردستان کە یەکێتى ڕەزامەندى لەسەر نووسراوەکە نەدراوە.

• نووسراوەکە لە فەیسبووکى پەرلەمان بڵاوکراوەتەوە کە لەلایەن پارتییەوە بەڕێوەدەبرێت.

• بەگوێرەى پەیڕەوى پەرلەمان جێگرى سەرۆکى دیوان دەسەڵاتى بانگێشتى دانیشتنى پەرلەمانى نییە.

• سەرۆکى تەمەنى پەرلەمان بانگێشتى دانیشتنى نەکردووە.

لەناو فراکسیۆنەکانیشدا بۆچوونى جیاواز لەبارەى دانیشتنى پەرلەمانەوە هەیە و پارتى دەڵێت چوارشەممە ئامادەدەبن، بەڵام یەکێتى و هەڵوێست ڕەتیانکردووەتەوە.

زانیاریى زیاتر بۆ تۆ:

ڕەوتى هەڵوێست: بەشداریى دانیشتنى پەرلەمان ناکەین

فراکسیۆنی پارتی داوای تەواوکردنی یەکەم دانیشتنی خولی شەشەمی پەرلەمان دەکات