ئەکسیۆس: ترەمپ فشارەکانی نەتانیاهوو بۆ هێرشکردنە سەر ئێران ڕەتدەکاتەوە و لەگەڵ وڵاتانی کەنداو هاوڕایە
پووختەی هەواڵەکە
میدیای ئەمریکی دەڵێت ، ترەمپ فشارەکانی نەتانیاهوو بۆ دەستپێکردنەوەی جەنگ لە دژی ئێران ڕەتدەکاتەوە.
سەرۆکی مۆساد بۆ دیداری بەرپرسانی باڵای ئەمریکا لە واشنتنە.
پێگەی ئەکسیۆس لە زاری بەرپرسانی ئەمریکاوە بڵاویکردووەتەوە، دۆناڵد ترەمپ لەگەڵ سعودیە و قەتەر و ئیمارات هاوڕایە، لە جیاتی هێرشی سەربازی، گەمارۆی ئابووریی سەر ئێران بەردەوام بێت و لە هەمانکاتدا هەوڵی گەیشتنە ڕێککەوتن بدەن.
شەڕی ئێران و وڵاتانی ناوچەکە
ڕۆژی پێنجشەممە ترەمپ ڕایگەیاند، دەتوانێت یەکسەر کۆتایی بە کارەکە بهێنێت بەڵام لەسەر داوای ئەو وڵاتانەی کە دەیەوێت پارێزگارییان لێ بکات، کارەکە کەمێک زیاتر درێژە دەکەنەوە و بەشێوەیەکی زیاتر مۆدێرنانە.
ترەمپ گوتیشی، سعودیە داوای لە من کرد کە دۆخەکە بۆ ماوەیەک وەک ئێستا بهێڵمەوە، چونکە ئێران هەرەس دەهێنێت.
هەر بۆیە کوەیت و قەتەر و بەحرەین و ئیماراتیش هەموویان داوایان لێکردووەم، باشترە بۆ ماوەیەکی زیاتر چاوەڕی بکەین.
هەروەها ئەکسیسۆس ڕاشیگەیاندووە، ڕۆمان گۆفمان سەرۆکی دەزگایی هەواڵگریی ئیسرائیل (مۆساد) یەکێک لە کەسە نزیکەکانی بنیامین نەتانیاهوو لە واشنتنە و لەگەڵ جۆن ڕاتکلیف بەڕێوەبەری دەزگای هەواڵگریی ناوەندیی ئەمریکا(سی ئای ئەی) کۆدەبێتەوە و چاوەڕێش دەکرێت بۆ بینی سیڤ ویتکۆف بچێتە میامی.
