پووختەى هەواڵەکە

• وەزارەتی جەنگی ئەمریکا و کۆمپانیای لۆکهید مارتن ڕێککەوتنێکیان ئەنجامدا.

• ڕێکەوتنەکەی وەزارەتی جەنگی ئەمریکا و لۆکهید مارتن بۆ ماوەى 10 ساڵە.

• لۆکهید مارتن 850 فڕۆکەی ئێف-35 بۆ سوپای ئەمریکا دروست دەکات.

  ---

زانیارییەک گەیشتووە بە کەناڵ8، وەزارەتی جەنگی ئەمریکا لە ڕاگەیێنراوی ڕێککەوتنەکەدا ئاماژەی بەوەکردووە، پڕۆگرامی هێزی ئاسمانیی وڵاتەکەی نوێ دەکاتەوە و فراوانیشی دەکات، بەڵام ڕێککەوتنەکە پێویستی بە ڕەزامەندیی کۆنگرێس دەبێت.

بە گوێرەى ڕێککەوتنەکە

• وەزارەتی جەنگی ئەمریکا دڵنیا دەبێتەوە لەوەی فڕۆکە جەنگییەکانییان بە نوێترین توانا مۆدێرنە سەربازییەکان پڕچەک کراوە.

• کە دەتوانێت هەموو جەنگێک ببەنەوە.

• وەزارەتى جەنگ ئەم ڕێککەوتنەی بە خاڵێکی وەچەرخان وەسفکردووە.

• لە بەرامبەر ئەم وەبەرهێنانەش لۆکهید مارتن بەلایەنی کەم حەوت ملیار دۆلاری ئەمریکی خەرج دەکات.

• بۆ پاڵپشتیکردنی پڕۆگرامی ئێف-35ـی ئەمریکی.

• فڕۆکەی ئێف-35، پڕۆژەیەکی هاوبەشی نێوان ئەمریکا و ژمارەیەک هاوپەیمانی ئەو وڵاتەیە.

• لە هەمان کاتدا یەکێکە لە پێشکەوتووترین فڕۆکە جەنگییەکان.

• بە گوێرەی کۆمپانیاکە زیاتر لە هەزار و 375 فڕۆکەی ئێف-35، لە جیهاندا هەیە.

• لە ماوە 10 ساڵدا 850 فڕۆکەی ئەمریکی دروستبکرێت.

• کۆمپانیاکە دەیەوێت ساڵانە 156 فڕۆکە دروستبکات.

کۆمپانیای لۆکهید مارتین، کۆمپانیایەکی ئەمریکییەو لە بواری بەرگری و ئاسایشی جیهانیی کار دەکات و بنکەی سەرەکی کۆمپانیاکە لە ویلایەتی مێریلاندى ویلایەتە یەکگرتووەکانى ئەمریکایە.