پووختەى هەواڵەکە

• بەهۆی شکانی بۆرییە ئاوەکە تەواوی سەنتەری شارۆچکەی چۆمان بێ ئاوە.

• بەشێکى شاخى وێزێ و پڕژێ داڕماوە.

  ---

فەرمانگەی ئاوی چۆمان بڵاویکردووەتەوە، بەشێک لە شاخی نێوان وێزێ و پڕژێ ڕووخاوە و بۆری سەرەکیی ئاوی خواردنەوەی چۆمان کە 12 ئینجە شکاوە و دەشڵێن، بەڕێوبەری فەرمانگەی ئاوی چۆمان، سەرپەرشتی تیمە تەکنیکییەکان دەکات بۆ چاککردنەوەی بۆرییەکە لە زووترین کاتدا و گەڕاندنەوەی خزمەتگوزارییەکان.

داڕمانى شاخەکان

• بەهۆی بارینی بەفرەوە، شاخەکە لە شەوی ڕابردوودا داڕماوە.

• دابەشكردنی ئاوی خواردنەوە بۆ تەواوی سەنتەری شارۆچکەی چۆمان بە شێوەیەكی كاتی ڕاگیراوە.

• تیمەكانی فەرمانگەی ئاوی چۆمان سەرقاڵی چاككردنەوەی بۆرییە شكاوەكەن.

• سەرقاڵى گەڕاندنەوەی دابەشكردنی ئاون بۆ ئەوەی بتوانن چارەسەر ئەو گرفتە بكەن.

شارۆچکەی چۆمان ناوەندی قەزای چۆمانە و یەکێکە لە ناوچە شاخاوییە جوان و گرنگەکانی هەرێمی کوردستان.

زانیارییە گشتییەکان:

• شوێن: دەکەوێتە ئیدارەی سەربەخۆی سۆران لە پارێزگای هەولێر، نزیکەی 180 کیلۆمەتر لە باکووری شاری هەولێرەوە دوورە و 25 کیلۆمەتر لە سنووری باشوور و ڕۆژهەڵاتى کوردستان دوورە.

• رێگا: دەکەوێتە سەر رێگای مێژوویی و ناسراوی هامڵتۆن.

• مێژووی ئیداری: لە ساڵی 1961 دروستکراوە و لە ساڵی 1970 کراوە بە قەزا.

• پێکهاتەی قەزا: شارۆچکەى چۆمان لە پێنج شارەدێ (چۆمان، حاجی ئۆمەران، سمیلان، قەسرێ، گەڵاڵە) و 166 گوند پێکھاتووە.

• ژمارەی دانیشتووان: بەگوێرەی ئامارەکانی سەرژمێرى ساڵی 2024، ژمارەی دانیشتووانی شارۆچکە بەگشتى زیاد لە 47.000 کەسە.