پووختەی هەواڵەکە

• عەلی زەیدی سەردانی ئوردن و سعودیە دەکات.
• سەرۆکوەزیرانی عێراق لەگەڵ شا عەبدوڵا و بن سەلمان کۆدەبێتەوە.
• زەیدی لەگەڵ وڵاتانی کەنداو دۆسییە دوولایەنەکانی نێوانیان تاوتوێ دەکات.

---

عەلی زەیدی، سەرۆکوەزیرانی عێراق، لەم هەفتەیەدا بە سەرۆکایەتیی شاندێکی کابینەکەی، سەردانی هەریەک لە وڵاتانی ئوردن و سعودیە دەکات، ئەگەریش هەیە لەو گەشتەیدا، سەردانی کوەیتیش بکات.

---

بەگوێرەى زانیارییەکانی کەناڵ8 :

• بڕیارە ڕۆژی چوارشەممە، عەلی زەیدی، سەرۆکوەزیرانی عێراق بەسەردانێکی فەرمی بگاتە ئوردن.
• زەیدی لەو سەردانەیدا بۆ عەممان، لەگەڵ شا عەبدوڵای دووەم، شای ئوردن کۆدەبێتەوە و چەند پرسێکی هاوبەش تاوتوێ دەکەن.
• کەناڵ8 زانیویەتی، زەیدی دوای سەردانەکەی بۆ ئوردن، سەردانی عەرەبستانی سعودیەش دەکات و لەگەڵ محەممەد بن سەلمان، جێنشینی سعودیەدا کۆدەبێتەوە.

ئەگەری سەردانی کوەیت

سەردانەکەی زەیدی بۆ ئوردن و سعودیە، ماوەی دوو ڕۆژ دەخایەنێت، بەگوێرەى زانیارییەکانی کەناڵ8، ئەگەری ئەوەهەیە، زەیدی سەردانی کوەیتیش بکات، بەڵام تاوەکو ئێستا سەردانەکەی سەرۆکوەزیرانی عێراق بۆ کوەیت یەکلا نەبووەتەوە.

پێشتر و لە ڕۆژی 29ـی تەمموزی ڕابردوو، بڕیاربوو عەلی زەیدی، سەرۆکوەزیرانی عێراق سەردانی سعودیە بکات، بەڵام بەهۆی هێرشی هاوبەشی سعودیە و ئەمریکاوە بۆسەر بارەگاکانی حەشدی شەعبی، ئەو سەردانە دواخرا.

زانیاریی زیاتر بۆ تۆ

شاندێکى باڵاى ئەمنى عێراق گەیشتە سعودیە

عەلى زەیدى بە 48 ڕێککەوتننامەوە کۆتایی بە سەردانەکەى بۆ ئەمریکا هێنا