پاڵاوتنەکانی پێشبڕکێی فۆرمولا وەن لە وڵاتی چین و لە شاری شەنگەهای بەڕێوەچوو، هەموو پێشبڕکێیەکی فۆرمولا وەن بۆ ماوەی سێ رۆژ پێش دەستپێک، شۆفێرەکان پرۆڤە و پالاوتنەکان ئەنجامدەدەن، بەڵام ئەگەر بێتو پێشبڕکییەک رێگەکەی نۆژەن کرابێتەوە، یاخود دوای چەند ساڵێک دابڕان ئەنجامبدرێتەوە، ئەوا زیاتر لە سێ رۆژ دەخایەنێت.
لە پاڵاوتنەکان، رۆژی یەکەم، هەریەک لە لاندۆ نۆریس و لویس هامیڵتن و ماکس ڤێرشتاپن، سێ کورسی یەکەم و دووەم و سێیەمیان گرت، ئەمرۆش دوایین پاڵاوتنەکان ئەنجامدران، ماکس ڤێرشتاپن بۆ یەکەمجار توانی پلەی یەکەمی پێشبرکێی چین بگرێت و سبەیش هەر بە پێشرەوی شۆفێرە هۆڵەندییەکە دەستپێدەکات، پلەکانی دووەم و سێیەمیش بۆ چێکۆ پێرێز و فێرناندۆ ئەلۆنسۆ بوو.
تیمی رێدبوڵ توانی بۆ 100ەمین جار پلەی یەکەم بگرێت لە پاڵاوتنەکان، تیمی ماکلارێنیش زیاتر نزیکبوونەوە و توانییان پلەی چوارەم و پێنجەم بەدەستبهێنن، کوڕانی فێراریش ئەمجارە تووشی بێهیوایی بوون، کاتێک تەنیا توانیان پلەی شەشەم و حەوتەم بگرن، سبەینێش پێشبڕکێی فەرمی چین، دوای پێنج ساڵ دابڕان، ئەنجامدەدرێتەوە.
