ئاژانسی رۆیتەرز بڵاویکردەوە، دوای بڵاوبوونەوەى هەواڵى رازیبوونى ئیسرائیل و لوبنان بە مەرجەکانی ئاگربەست لە لوبنان و پێشنیازی نوێی ئەمریکا، نرخی نەوتی خاو لەبازاڕەکاندا دابەزینی تۆمارکرد.

رەجەب تەیب ئەردۆغان، سەرۆککۆماری تورکیا، پاش کۆبوونەوەی کابینەی حکومەت وتارێکی پێشکەشکرد و رایگەیاند، لە باکووری کوردستان بەردەوامن لە گەڕان بەدوای نەوتی زیاتردا و ئەمساڵ لە 84 بیری نوێدا، 66 ملیۆن بەرمیل نەوتی یەدەگیان دۆزیوەتەوە.

ئیداره‌ی وزه‌ی ئه‌مریكا بڵاویکردەوە، له‌ هه‌شت مانگی ئەمساڵدا، ئەمریکا‌ 62 ملیۆن و 900 هەزار بەرمیل نەوت و بەرهەمە نەوتییەکانى لە عێراقەوە هاوردەکردووە.

کۆمەڵەی پیشەسازیی نەوتی کوردستان "ئەپیکور" رایگەیاند، پێشوازی لەپێشنیازی ئەنجوومەنى عێراق بۆ هەموارکردنەوەی بڕگەی دووەمى ماددەى 12ـی یاسای بودجە دەکات، کە تایبەتە بە پرسى نەوتى هەرێمى کوردستان.

کۆمپانیاى شاماران بۆ دەرهێنانى نەوت رایگەیاند، "لە چارەکى سێیەمى ئەمساڵدا لە هەردوو کێڵگەى ئەتروش و سەرسنگ، یەک بەرمیل نەوتمان بە 35 دۆلار و 65 سەنت لە بازاڕى ناوخۆى هەرێمى کوردستان فرۆشتووە".

ئەندامێکى لیژنەى دارایى ئەنجوومەنى نوێنەرانى عێراق رایگەیاند، "لە هەموارى ماددەى 12ـى یاساى بودجەدا، تێچووى بەرهەمهێنان و گواستنەوەى نەوتى هەرێمى کوردستان، لە شەش دۆلارەوە کراوە بە 16 دۆلار، بەڵام هەموارەکە بۆ پەسەندکردنى، پێویستى خوێندنەوەى یەکەم و دووەمە".