کەتیبەکانی سەیدولشوهەدای عێراق، کوژرانی بەرپرسی ئەمنیی هێزەکەیان و پاسەوانە تایبەتەکەی حەسەن نەسروڵا، ئەمیندارى پێشووی حیزبوڵای لوبنانی لە بۆردوومانێکی ئیسرائیلدا راگەیاند.

کەتیبەکانی سەیدولشوهەدا لە راگەیەندراوێکدا دەڵێت، حەیدەر موسەوی، بەرپرسی یەکەی ئەمنیی و ئەبوعەلی خەلیل، پاسەوانی تایبەتی حەسەن نەسروڵا و کوڕەکەی، ئەمڕۆ شەممە 21ی حوزەیرانی 2025 لە بۆردوومانێکی ئیسرائیلدا کوژراون.

بەگوێرەى راگەیەندراوەکە، ئەو بەرپرسەی کەتیبەکانی سەیدولشوهەدا و پاسەوانە تایبەتەکەی نەسڕوڵا، لەسەر هێڵی سنووریی عێراق – ئێران کراونەتە ئامانج و کوژراون.

كەتیبەکانی سەیدولشوهەدا ساڵی 2013 دامەزراوە و ئەرکیان پاراستنی مەزارە ئایینییەکانی تایبەت بە پێکهاتەی شیعەیە و تاوەکو رووخانی دەسەڵاتەکەی بەشار ئەسەد، هێزێکی گەورەیان لە سووریا جێگیرکردبوو.