سەرۆکی ڕێکخراوی نێودەوڵەتیی بۆ کەشتیوانی ڕایگەیاند، بارودۆخی گەرووی هوورمز زۆر نیگەرانکەرە و دەشڵێت، هەزاران دەریاوانی ڕووبەڕووی مەترسی بوونەتەوە.

بارودۆخی هوومز جێگەی نیگەرانییە

ئارسینیۆ دۆمینگێز، سەرۆکی ڕێکخراوی نێودەوڵەتیی بۆ کەشتیوانی ڕایگەیاندووە، بەهۆی هەڕەشەکان و گرژییەکانی ناوچەکەوە، بارودۆخی هوورمز بووەتە جێی نیگەرانییەکی قووڵ.

هەزاران دەریاوان لە مەترسیدان

سەرۆکی ڕێکخراوی نێودەوڵەتیی بۆ کەشتیوانی دەشڵێت، هەزاران دەریاوان ئێستا ڕووبەڕووی مەترسی دەبنەوە.

20 هەزار دەریاوان لە کەنداو گیریانخواردووە

ئەوە لەکاتێکدایە پێشتر ڕێکخراوی نێودەوڵەتیی دەریاوانی ڕایگەیاندبوو، زیاتر لە 20 هەزار دەریاوان لەسەر کەشتییە بازرگانییە جیاوازەکان لە ناوچەی کەنداو گیریان خواردووە. لە ئێستادا قەرەباڵغییەکی زۆر و گیرخواردنی سەدان کەشتی لە ناوچەکەدا دەبینرێت.

ئێران گەرووی هوورمزی داخستووە

لە دوای دەستپێکردنی جەنگی ئەمریکا و ئیسرائیل لە  کۆتایی شوباتی ڕابردوو، ئێرانی گەرووی هوورمزی داخستووە و ڕێگە بەتێپەڕبوونی کەشتییەکان نادات مەگەر بە ڕەزامەندیی تاران و پێدانی باج بێت.

ترەمپ سزای گەمارۆی دەریایی بەسەر ئێراندا سەپاندووە

لە نوێترین لێدوانەکانیدا دۆناڵد ترەمپ سەرۆکی ئەمریکا ڕایگەیاندووە، لە ئەمڕۆ 13ـی نیسان، کاتژمێر پێنج بە کاتی کوردستان، گەمارۆ بۆ سەر بەندەرەکانی ئێران لە کەنداو دەستپێدەکات ئەوەش وەک کارتی فشار لەبەرامبەر تاران.