سەرۆککۆماری ئێران لە یەکەم کاردانەوەیدا دوای واژۆکردنی ڕێککەوتنی نێوان وڵاتەکەی و ئەمریکا، پەیامێکی بڵاوکردەوە و جەخت لەسەر پاراستنی ئاشتی لەسەر بنەمای ڕێزگرتنی هاوبەش دەکاتەوە.

پەیامێکی مێژوویی لە ئێرانێکی زلهێزەوە

مەسعود پزیشکیان، سەرۆککۆماری ئێران لە هەژماری فەرمی خۆی لە تۆڕی کۆمەڵایەتی ئێکس، وێنەی یاداشتنامەی لێکتێگەیشتنی نێوان تاران و واشنتنی بڵاوکردەوە و ڕایگەیاند، ئەم یاداشتنامەیە بەڵگە و پەیامێکی مێژووییە لەلایەن ئێرانێکی زلهێزەوە بۆ جیهان.

ئاشتی و ڕێزی یەکترگرتن

سەرۆککۆماری ئێران، ئاماژەی بەوەکردووە، وڵاتەکەی باوەڕی وایە ئاشتی تەنیا لە سایەی ڕێزگرتنی یەکدییەوە بەرقەرار دەبێت، جەختیشی لەوەکردەوە، ئێران بە پاراستنی کەرامەت، سەربەخۆیی، پێشکەوتن و هاوکارییە ناوچەییەکان، پابەندە بە چەسپاندنی ئاشتی لە هەموو جیهان دا.

کات و شێوازی واژۆکردنی ڕێککەوتنەکە

شەوی 17 لەسەر 18، هەریەکە لە دۆناڵد ترەمپ، سەرۆکی ئەمریکا و مەسعود پزیشکیان، سەرۆککۆماری ئێران، یاداشتی لێکتێگەیشتنی نێوان هەردوو وڵاتیان بە شێوەی ئەلیکترۆنی واژۆ کرد، هەر لە دوای واژۆکردنەکەش سەرجەم خاڵەکانی یاداشتنامەکە چوونە بواری جێبەجێکردنەوە.