فۆکس گرووپ: لە دوو مانگى داهاتوو قەیرانى بەنزین ناهێڵین
پووختەی هەواڵ
- تاوەکوو دوو مانگی دیکە قەیرانی بەنزین بەردەوام دەبێت
- خاوەنی کۆمپانیای فۆکەس گرووپ قەیرانی بەنزین بە جیهانی دەزانێت
- بوونی قەیرانی بەنزین لە دەوڵەتانی ناوچەکە
بڕی بەرهەمی بەنزین
سەردارى حاجى عەلى، خاوەنى کۆمپانیاى فۆکەس گرووپ، کە لە بوارى بەرهەمە نەوتییەکان کاردەکات و زۆرینەى بەنزینى سلێمانى دابین دەکات ڕایگەیاند، دوو مانگى دیکە قەیرانى بەنزین چارەسەر دەکرێت.
کۆنفڕانسی ڕۆژنامەوانی خاوەنی فۆکەس گرووپ
سەرداى حاجى عەلى، لە کۆنفڕانسێکى ڕۆژنامەوانیدا، قەیرانى بەنزینى وەک قەیرانێکى جیهانى ناوبردووە و بە گوتەى ئەو هەموو دەوڵەتانى ناوچەکە گرفتیان لە دابینکردنى بەنزین هەیە.
ئاماژەى بەوەشکرد، پێشتر بۆیە قەیرانى بەنزین نەبوو، لەبەرئەوەى بەشێوەى قاچاغ چەندین تەنکەر بەنزین دەهاتە ناو پارێزگاى سلێمانى، بەڵام ئێستا ڕێگە بەوەنادرێت چونکە بەغدادیش خۆى کێشەى کەمى بەنزینى هەیە.
- بڕی بەنزینی بەرهەمهاتوو زیاتر لە سێ ملیۆن لیترە
- بەکارهێنان سەرووی حەوت ملیۆن لیترە
ڕاشیگەیاند، ئێستا بەرهەمى بەنزین سێ ملیۆن و 200 هەزار لیترە، بەکارهێنانیش سەروو حەوت ملیۆن لیترە، ئەمە کێشەى گەورەى دروستکردووە، بەتایبەتى لەم وەرزى هاوینەدا کە گەشتیارێکى زۆر ڕوویان لە هەرێمى کوردستان کردووە و بارگرانییان لەسەر بەکارهێنانى بەنزین دروستکردووە.
کردنەوەی بەشێکی دیکەی پاڵاوگەی عەربەت
خاوەنى کۆمپانیاى فۆکەس گرووپ، وەک مژدانە بە شۆفێرانى گوت "تەنیا ماوەى دوو مانگى دیکە چاوەڕێ بکەن قەیرانى بەنزین ناهێڵن و بەشێکى دیکە لە پاڵاوگەى عەربەت دەکەنەوە، کە بڕى بەرهەمهێنانى بەنزین زیاد دەکات و لەگەڵیشیدا کوالێتى بەنزین لە نۆرماڵەوە بۆ موحەسەن بەرزدەکەنەوە.
زانیاری زیاتر بۆ تۆ
https://channel8.com/kurdish/news/222318
https://channel8.com/kurdish/news/222183
https://channel8.com/kurdish/news/153025
