ئەکرەم کەعبی: بردنی داهاتی نەوتی عێراق بۆ ئەمریکا جێگەی شەرمە
پووختەی هەواڵەکە:
- ئەمیندارى نوجەبا داوا دەکات داهاتی نەوتی عێراق ڕاستەوخۆ لە کڕیاران وەربگیرێت نەک بچێتە ئەمریکا.
- ئەکرەم کەعبی دەڵێت ئەمریکا لە ژێر ناوی وەبەرهێناندا خەریکی بردنی خێر و بێری عێراقە.
- مقاوەمەی عێراقی بێدەنگ نابێت لە بەرامبەر بردنی قوت و سامانی گەل بە هەر ناوێک بێت.
- عێراق لە ژێر بەندی حەوت دەرچووە و مافی هەیە خۆی بڕیار لەسەر کەناڵەکانی فرۆشتنی نەوت بدات.
زانیاری گەیشتووە بە کەناڵ8 دەریدەخات کە شێخ ئەکرەم کەعبی، ئەمینداری بزووتنەوەی نوجەبا، بە توندی هێرش دەکاتە سەر سیاسەتی دارایی ئەمریکا لە عێراق و ڕازیکردنی وڵاتەکە بە چوونی داهاتی نەوت بۆ بانکی فیدراڵیی ئەمریکا بە "بارمتەکردنی ئابووری" ناو دەبات، داواش دەکات بەغداد کەناڵی نوێ بۆ وەرگرتنی داهاتەکانی بدۆزێتەوە.
هەڵوێستی ئەکرەم کەعبی و ڕەخنە لە ئەمریکا:
- پابەندبوون بە بڕیارەکانی تۆم باراک و ملدان بۆ ئەمریکا لە ترسی بڕینی داهاتی نەوت بە شەرمەزاری دەزانێت.
- داوا دەکات لە جیاتی ئەوەی ئابووریی عێراق بارمتەی واشنتن بێت، داهاتەکان ڕاستەوخۆ لە کڕیارانی نەوت وەربگیرێن.
- لێدوانی وەزیری دەرەوەی ئەمریکا کە وەبەرهێنان لە عێراق بە بەشێک لە ئاسایشی نەتەوەیی خۆیان دەزانن، بە بەڵگەی بردنی سامانی وڵات دادەنێت.
- جەخت دەکاتەوە کە مقاوەمەی عێراقی ئەرکی خۆیەتی بەرپەرچی ئەم قۆرخکارییە ئابوورییە بداتەوە.
پاشخانی دارایی و کێشەی داهاتی نەوت:
ئەم هێرشەی کەعبی لە کاتێکدایە کە بەپێی بڕیارێکی نێودەوڵەتی، داهاتی فرۆشی نەوتی عێراق دەچێتە ناو "سندووقی گەشەپێدانی عێراق" لە بانکی فیدراڵیی ئەمریکا و مانگانە بە چەند گوژمەیەک دەنێردرێتەوە بۆ بەغداد. ئەمیندارى نوجەبا پێیوایە لەبەر ئەوەی عێراق لە ژێر بەندی حەوتەمی ئەنجوومەنی ئاسایش دەرچووە، چیتر پێویست ناکات پەیڕەوی ئەم سیستەمە بکات و دەبێت سەروەریی دارایی خۆی بۆ بگەڕێتەوە، تاوەکو ئەمریکا نەتوانێت وەک کارتێکی فشار دژی حەشد و مقاوەمە بەکاریبهێنێت.
زانیاری زیاتر بۆ تۆ
ئەمریکا 10 ملیۆن دۆلار پاداشتى بۆ زانیاریی لەسەر ئەکرەم کەعبى داناوە
نوجەبا: دیپلۆماسی لەگەڵ سعودیە بێسوودە و وەڵاممان تەنیا بە مووشەک دەبێت
3 کاتژمێر پێش ئێستا