سزای لەسێدارەدان بۆ بەشار ئەسەد و ماهیر ئەسەد دەرچوو
پووختەی هەواڵەکە
- دادگای تاوانەکانی دیمەشق سزای لەسێدارەدانی بۆ بەشار ئەسەد و ماهیر ئەسەد بڕییەوە.
- ئەسەد بە تاوانی کوشتنی منداڵان و ئەنجامدانی تاوان دژی مرۆڤایەتی تاوانبار کرا.
- دادوەر فەخرەدین ئەلعریان فەرمانی دەستگیرکردنی بۆ بەرپرسانی باڵای ڕژێمی پێشوو دەرکرد.
- بڕیارەکە دوای ڕووخانی حکومڕانیی 24 ساڵەی بنەماڵەی ئەسەد لە سووریا دێت.
دادگای تاوانەکانی دیمەشق بە فەرمی سزای لەسێدارەدانی بۆ بەشار ئەسەد و سەرکردە باڵاکانی ڕژێمەکەی دەرکردووە، ئەوەش دوای سەلماندنی تێوەگڵانیان لە کوشتنی بەئەنقەستی منداڵان و ئەشکەنجەدانی سیستماتیکی هاووڵاتییان لە ماوەی ساڵانی جەنگدا.
بڕیارەکانی دادگا و جۆری تاوانەکان:
- دادگای تاوانەکانی دیمەشق فەرمانی لەسێدارەدانی بۆ بەشار حافز ئەسەد، ماهیر ئەسەد و عاتیف نەجیب دەرکرد.
- تاوانبارییەکان بریتین لە کوشتنی بەئەنقەستی زیاتر لە کەسێک و بەئامانجگرتنی منداڵان.
- دادگا سزاکەی بەستووەتەوە بە تێوەگلان لە تاوانەکانی ئەشکەنجەدان، دەستبەسەرکردنی هەڕەمەکی و تاوان دژی مرۆڤایەتی.
- فەرمانی شوێنکەوتن و دەستگیرکردنی نێودەوڵەتی بۆ سەرۆکی پێشوو و براکەی دەرکراوە بۆ جێبەجێکردنی سزاکە.
پاشخانی دەسەڵاتی ئەسەد و بارودۆخی ئێستای:
بەشار ئەسەد کە لە ساڵی 2000ـەوە وەک جێگرەوەی حافز ئەسەدی باوکی، دەسەڵاتی لە سووریا گرتەدەست، لە 8ـی کانوونی یەکەمی 2024 بەهۆی ڕاپەڕین و هێرشی فراوانی هێزە ئۆپۆزیسیۆنەکانەوە حکومڕانییەکەی کۆتایی هات و لە دیمەشق هەڵات. ناوبراو لە ئێستادا وەک پەنابەرێکی سیاسی لە شاری مۆسکۆی پایتەختی ڕووسیا لە ژێر چاودێرییەکی تونددا دەژی. ماهیر ئەسەدی برای و عاتیف نەجیبی ئامۆزاشی کە وەک جەمسەرە ئەمنییەکانی ڕژێمەکەی دەبینران، لەگەڵ ئەودا ڕووبەڕووی هەمان سزای قورس بوونەتەوە و دادگای نوێی سووریا داوای ڕادەستکردنەوەیان دەکات.
زانیاری زیاتر بۆ تۆ
بەشار ئەسەد، لە دکتۆرەوە بۆ دیکتاتۆر!
رۆیتەرز: بەشار ئەسەد پلانی هەڵاتنەکەی بە نزیکەکانیشی نەگوتووە
60 خولەک پێش ئێستا